الەۋمەتتىك جەلىدە استاناداعى مەكتەپتەردىڭ بىرىندە ەكىنشى سىنىپ وقۋشىسى باسپالداقتان قۇلاپ, جانساقتاۋ بولىمىنە ءتۇستى دەگەن اقپارات تارادى. بەلگىلى بولعانداي, قازىر بالانىڭ جاعدايى تۇراقتى. ول جانساقتاۋ بولىمىنە جاتقىزىلعان جوق, دەپ حابارلايدى Egemen.kz.
«استاناداعى №14 مەكتەپ-گيمنازياسىنىڭ وقۋشىسى 2-قاباتقا كوتەرىلىپ بارا جاتقاندا باسپالداقتان قۇلاپ كەتتى (قورشاۋلار بار). بالانىڭ ايتۋىنشا, ونى سىنىپتاسى يتەرىپ جىبەرگەن. وقيعا ورنىنا دەرەۋ جەدەل جاردەم شاقىرىلدى», دەپ ءتۇسىندىردى ەلوردانىڭ ءبىلىم باسقارماسى.
بالا قالالىق بالالار اۋرۋحاناسىندا جاتىر. جاعدايى تۇراقتى. جانساقتاۋ بولىمىنە تۇسكەن جوق.
«مەكتەپتە باسپالداق قورشاۋلارى بار. ءبىلىم باسقارماسى مەكتەپ ديرەكتورىنا قاتىستى شارا قولدانۋدى قاراستىرىپ جاتىر», دەلىنگەن ۆەدومستۆو حابارلاماسىندا.