قر ۇكىمەتىنىڭ قاۋلىسىمەن ايجان ادىلقىزى بيجانوۆا قر ساۋدا جانە ينتەگراتسيا ءبىرىنشى ۆيتسە-ءمينيسترى قىزمەتىنە تاعايىندالدى, دەپ حابارلايدى Egemen.kz.
ايجان بيجانوۆا 1982 جىلى الماتى قالاسىندا دۇنيەگە كەلگەن.
ءال-فارابي اتىنداعى قازاق ۇلتتىق ۋنيۆەرسيتەتىن, حالىقارالىق بيزنەس اكادەمياسىن, قاينار اكادەمياسىن بىتىرگەن.
ەڭبەك جولىن 2003 جىلى «كەدەنتراسسەرۆيس» جاق مەنەدجەرى بولىپ باستاعان.
«قازاق اقپاراتتىق تەحنولوگيالار عىلىمي-زەرتتەۋ ينستيتۋتى» اق زاڭ ءبولىمىنىڭ اعا زاڭگەرى, باستىعى, الماتى قالاسى ادىلەت دەپارتامەنتى جەتىسۋ اۋدانىنىڭ احاج جانە قۇقىقتىق ءتۇسىندىرۋ جۇمىستارى جانە حالىققا زاڭگەرلىك قىزمەت كورسەتۋ جۇمىسى بولىمدەرىنىڭ جەتەكشى مامانى بولدى, قر ادىلەت مينيسترلىگىنىڭ قۇرىلىمىندا جۇمىس ىستەدى, «قازمەدتەح» اق زاڭ جانە كادر جۇمىسى دەپارتامەنتىنىڭ ديرەكتورى, «اتامەكەن» قر ۇلتتىق كاسىپكەرلەر پالاتاسى ساراپتامانى ۇيلەستىرۋ دەپارتامەنتىنىڭ ساراپشىسى, زاڭناما جانە ءوزىن-ءوزى رەتتەۋدى دامىتۋ دەپارتامەنتىنىڭ باسقارۋشى ديرەكتورى, ديرەكتورى قىزمەتىن اتقارعان.
2018-2019 جىلدارى قر ۇلتتىق ەكونوميكا مينيسترلىگىنىڭ قۇرىلىمىندا باسشىلىق قىزمەتتەر اتقاردى.
قر ساۋدا جانە ينتەگراتسيا مينيسترلىگى ىشكى ساۋدا دەپارتامەنتىنىڭ ديرەكتورى, تۇتىنۋشىلاردىڭ قۇقىقتارىن قورعاۋ كوميتەتى توراعاسىنىڭ ورىنباسارى, قر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ سەكتور مەڭگەرۋشىسى بولدى.
2021 جىلدىڭ قاراشا ايىنان باستاپ قازىرگى ۋاقىتقا دەيىن قر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى قىزمەتىن اتقاردى.