ينۆەستيتسيا الەۋەتى

ينستيتۋت ماماندارى وڭدەۋ ونەركاسىبىنە ينۆەستي­تسيا­لاردىڭ قۇلدىراۋى جالعاسىپ جاتىر دەيدى. وڭدەۋ ونەركاسىبىنە سالىنعان ينۆەستيتسيالاردىڭ ۇلەسى ونەركاسىپكە سالىنعان ينۆەستيتسيالاردىڭ جالپى كولەمىنەن كورسەتىلگەن كەزەڭ ىشىندە 11,1 پايىزعا دەيىن قىسقارعان. وڭدەۋ ونەركاسىبى سالاسىنداعى قارجىلاندىرۋدىڭ نەگىزگى كوزى – بيزنەستىڭ مەنشىكتى قاراجاتى. وڭىرلەر اراسىندا وڭدەۋ ونەركاسىبىنە ينۆەستيتسيالار كولەمى بويىنشا قاراعاندى وبلىسى كوش باستاپ تۇر: 154,6 ملرد تەڭگە, بۇل جالپى كولەمنىڭ 23 پايىزىن قۇرايدى.

جىل باسىنان سارى الا جازعا دەيىنگى ارالىقتا شارۋا­شى­لىق جۇرگىزۋشى سۋبەكتىلەردىڭ ءوز قاراجاتى ەسەبىنەن ينۆەستيتسيالاردى قارجىلاندىرۋ كولەمى 6,1 ترلن تەڭگە بولعان. الايدا تالدانعان كەزەڭدە جالپى ۇلەستىڭ 76 پايىزعا دەيىن تومەندەۋى بايقالادى. بۇل بانك كرەديتتەرى ەسەبىنەن ەكونوميكاعا ينۆەستيتسيالاۋ ۇلەسىنىڭ 2 پايىزعا دەيىن وسۋى­مەن جانە 2023 جىلدىڭ 7 ايىندا 170,5 ملرد تەڭگەنى قۇراۋىمەن تۇسىندىرىلەدى.

«جەتكىزۋ تىزبەگىنىڭ وزگەرۋىنە بايلانىستى كولىك ينفرا­قۇ­رىلىمىن دامىتۋدىڭ ماڭىزدىلىعى وزەكتى بولىپ وتىر. تالدانىپ وتىرعان كەزەڭدە كولىك جانە قويمالاۋعا سالىنعان ينۆەستيتسيالاردىڭ ۇلەسى 7,3 پايىزدان 11,9 پايىزعا دەيىن ءوستى جانە اقشالاي بالامادا 966,6 ملرد تەڭگە (نكي – 122,6 پايىز) بولدى», دەيدى ينستيتۋت ساراپشىلارى.

قازىرگى ۋاقىتتا ەلىمىزدىڭ ءۇش وڭىرىندە ينۆەستيتسيالاردا ايتارلىقتاي ءوسۋى بايقالادى: اباي وبلىسى – 54,3 پايىزعا, ماڭعىستاۋ وبلىسى – 45,9 پايىزعا, باتىس قازاقستان وبلىسى – 31,9 پايىزعا. اباي وبلىسىنداعى ينۆەستيتسيالار اعى­نى­نىڭ ارتۋى قۇرىلىسقا (16 ەسە), اۋىل شارۋاشىلىعىنا (2,6 ەسە), كولىك جانە قويمالاۋعا (1,9 ەسە) جانە جىلجىمايتىن م ۇلىكپەن وپەراتسيالارعا (1,5 ەسە) ينۆەستيتسيالاردىڭ وسۋىمەن بايلانىستى. ال ماڭعىستاۋ وبلىسى مەن باتىس قازاقستان وبلىسىندا ءداستۇرلى تۇردە تاۋ-كەن ونەركاسىبىنە ينۆەستيتسيا كولەمىنىڭ ۇلعايۋىنا بايلانىستى ينۆەستيتسيا قارقىندى ءوسىم كورسەتىپ جاتىر.