پاۆلوداردا ەسىرتكى ساتۋمەن اينالىسقان ەكى شەتەلدىك ۇستالدى

قالالىق پروكۋراتۋرانىڭ مالىمەتىنشە, ۇستالعان ەر ادامنىڭ تەلەفونىن تەكسەرۋ بارىسىندا ەسىرتكى سالعان ەكى ورىن انىقتالدى, ول ارادان ەسىرتكىگە ۇقساس زاتتارى بار ەكى پاكەت الىندى.

«سونىمەن قاتار ءتىنتۋ بارىسىندا ۇستالعان ادامنىڭ ۇيىنەن ەسىرتكى سالىنعان وراۋىش ماتەريال جانە «مەفەدرون» زاتى سالىنعان پاكەت تاركىلەندى, بۇل ساراپتامامەن راستالدى», دەلىنگەن حابارلامادا.

بۇل فاكتى سدتبت-دا قر قك 297-بابى 3-بولىگى 1,5-تارماقتارى (ادامدار توبىنىڭ الدىن الا ءسوز بايلاسۋ, اقپاراتتىق رەسۋرستاردى پايدالانۋ ارقىلى جاساعان پسيحوتروپتىق زاتتاردىڭ انالوگتارىن وتكىزۋ ماقساتىندا زاڭسىز ساتىپ الۋ, ساقتاۋ, تاسىمالداۋ) بويىنشا تىركەلگەن. تەرگەۋ سوتىنىڭ سانكتسياسىمەن تۇرىك ازاماتى 2 ايعا قاماۋعا الىندى.

سونداي-اق قازىرگى ۋاقىتتا بۇل ءىس بويىنشا كۇدىكتىنىڭ سىبايلاسى - 1982 جىلى تۋعان رف ازاماتى ۇستالدى, وعان قاتىستى سوت قاماۋدا ۇستاۋ تۇرىندەگى بۇلتارتپاۋ شاراسىنا سانكتسيا بەرىلدى.