مەملەكەت باسشىسى قاسىم-جومارت توقاەۆ ورتالىق ازيا مەملەكەتتەرى باسشىلارىنىڭ V كونسۋلتاتيۆتىك كەزدەسۋىنە قاتىسىپ جاتىر, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
«بۇگىنگى ءسامميتتىڭ, شىن مانىندە, ماڭىزدى جيىن بولاتىنىنا جانە كوپجاقتى ىنتىماقتاستىقتىڭ الداعى دامۋ قارقىنىن ايقىندايتىنىنا سەنىمدىمىن», دەدى قاسىم-جومارت توقاەۆ.
پرەزيدەنت ءوز سوزىندە كونسۋلتاتيۆتىك كەزدەسۋلەردىڭ فورماتى ومىرشەڭ بولىپ قانا قويماي, پەرسپەكتيۆاسى زور, پارمەندى الاڭعا اينالعانىن اتاپ ءوتتى.
«بۇل – قۋانىشتى جايت. بۇعان كەز كەلگەن ماسەلەنى كونسترۋكتيۆتى تۇردە شەشۋگە مۇمكىندىك بەرەتىن بەلسەندى ءارى سەنىمدى ساياسي ديالوگ ىقپال ەتەدى. ءوزارا ءتيىمدى ساۋدا-ەكونوميكالىق ىنتىماقتاستىق دايەكتى تۇردە كەڭەيىپ كەلەدى. بيزنەس اراسىنداعى بايلانىستار جاندانىپ, بىرلەسكەن كاسىپورىندار سانى ارتا ءتۇستى. ءىرى ايماقتىق جوبالار بارىمىزگە ايتارلىقتاي پايدا اكەلىپ قانا قويماي, سونىمەن قاتار ورتالىق ازيا ەكونوميكاسىنىڭ بۇكىل قۇرىلىمىن وزگەرتەدى», دەدى مەملەكەت باسشىسى.
قاسىم-جومارت توقاەۆتىڭ ايتۋىنشا, سوڭعى بەس جىلدا وڭىرىشىلىك تاۋار اينالىمى 80 پايىزدان استام ءوسىپ, 10,6 ميلليارد دوللارعا جەتتى.
«مۇنىمەن شەكتەلىپ قالمايتىنىمىزعا سەنىمدىمىن. ساۋدا-ساتتىقتى ودان ءارى دامىتۋ ءۇشىن ەلدەرىمىزدىڭ الەۋەتى زور», دەپ قوستى پرەزيدەنت.