وسى اپتانىڭ اياعىندا تەننيستەن دەۆيس كۋبوگىنىڭ پلەي-وفف دوداسى باستالادى. 16-17 قىركۇيەكتە قازاقستان قۇراماسى سوفيادا بولگارياعا قارسى وينايدى.
بۇگىنگى تاڭداعى بولگاريانىڭ باستى جۇلدىزى گريگور ديميتروۆ ەكەنى داۋسىز. 32 جاستاعى حاسكوۆونىڭ تۋماسى ءار جىلدارى ۋيمبلدون (2014 جىلى), اۋستراليانىڭ اشىق بىرىنشىلىگى (2017) جانە US open (2019) دودالارىنىڭ جارتىلاي فينالىنا دەيىن جەتىپ, اتر تۋرنيرلەرىندە سەگىز رەت توپ جاردى. كەزىندە الەمدىك رەيتينگتە ءۇشىنشى ورىنعا دەيىن كوتەرىلگەن ديميتروۆ قازىرگى كەزدە 20 ساتىعا جايعاستى. ءبىر قۋانىشتىسى, ءدال وسى ويىنشى دەۆيس كۋبوگىنە قاتىسۋدان باس تارتتى. ال بۇل جارىستا بولگاريانىڭ نامىسىن ديميتار كۋزمانوۆ (№178), الەكساندر لازاروۆ (№479), ياناكي ميلەۆ (№567), پەتر نەستەروۆ (№707) جانە الەكساندر دونسكي (№809) قورعايدى.
قازاقستان كومانداسى سوفيادا مىناداي قۇرامدا كۇش سىناسادى: الەكساندر بۋبليك (№29), تيموفەي سكاتوۆ (№121), ميحايل كۋكۋشكين (№241), الەكساندر نەدوۆەسوۆ (№1038) جانە اندرەي گولۋبەۆ. سوڭىندا اتالعان ەكى تەننيسشىمىز جۇپتىق سايىستا ونەر كورسەتەدى.