جامبىل وبلىسى, مەركى اۋدانىندا كەنەسارى حانعا ارنالعان ەسكەرتكىش بوي كوتەردى. تاريحي مۇرا مەركىنىڭ مادەنيەت كۇنى جانە 95 جىلدىعىنا وراي اشىلىپ وتىر, دەپ حابارلايدى Egemen.kz اۋدان اكىمىنىڭ ءباسپاسوز قىزمەتىنە سۇيەنىپ.
اكىمدىكتىڭ مالىمەتىنشە, تاريحي تۇلعاعا ارنالعان ءمۇسىن «باتىس ەۋروپا-باتىس قىتاي» ءدالىزىنىڭ بويىندا ورنالاسقان.
«ەسكەرتكىشتىڭ اشىلۋ سالتاناتىندا مەملەكەتتىك ءانۇران شىرقالىپ, م.اۋەزوۆتىڭ «حان كەنە» تەاترلاندىرىلعان قويىلىمى ساحنالاندى. سالتاناتتى شاراعا قوعام قايراتكەرى ءراحماتىلدا راحمانبەرديەۆ, جامبىل وبلىسى اكىمى اپپاراتىنىڭ باسشىسى ءمادي ماتەن جانە ايماقتىڭ زيالى قاۋىم وكىلدەرى قاتىستى. جينالعان قاۋىم ەسكەرتكىشكە گۇل شوقتارىن قويىپ, باتىر بابا رۋحىنا تاعزىم ەتتى. ەسكەرتكىش جوباسىنىڭ ورىنداۋشىسى – مەركىلىك ءمۇسىنشى تەمىرحان كولجىگىت.
ەسكەرتكىشتىڭ جالپى بيىكتى 10 مەتردى قۇرايدى, ونىڭ ىشىندە تۇعىرى – تاستان, ءمۇسىننىڭ نەگىزگى بولىگى مىستان جاسالعان», دەلىنگەن حابارلامادا.