شاحماتتان قازاقستان قىزدار قۇراماسى الەم چەمپيوناتىنىڭ شيرەك فينالىنا شىقتى, دەپ حابارلايدى Egemen.kz سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ.
ەستەرىڭىزگە سالساق, پولشانىڭ بىدگوشش قالاسىندا ءوتىپ جاتقان فيدە-ءنىڭ ءىح الەم چەمپيوناتىندا «ا» توبىندا سىنعا ءتۇسىپ جاتقان ارۋلارىمىز ەندى فرانتسيا, گرۋزيا, ۋكراينا شاحماتشىلارىمەن تارتىساتىنىن جازعان ەدىك.
ۇلتتىق قۇراما فرانتسيانى جانە ۋكراينانى جەڭدى. توپتىق كەزەڭدەگى شەشۋشى تۋردا قازاقستان گرۋزيامەن سىنعا تۇسەدى.
ايتا كەتەيىك, توپتا جاقسى ناتيجە كورسەتكەن ءتورت شاحماتشى پلەي-وفف ساتىسىنا جولداما الادى. بۇل كەزەڭدە تاقتاداعى ۇپايلار تاي-برەيككە دەيىن ساراپقا سالىنسا, نوكاۋت كەزەڭىندە ياعني پلەي-وفتا ونىڭ ورنىن بليتس-ماتچ باسادى. ءار ويىنعا 45 مينۋت, ال ءار جۇرىسكە 10 سەكۋند بەرىلەدى.