قۇرلىقتىق حوككەي ليگاسىندا (قحل) كۇش سىناسىپ جۇرگەن استانانىڭ «بارىسى» تۇراقتى بىرىنشىلىكتەگى ەكىنشى كەزدەسۋىن ءنوۆوسىبىردىڭ «سيبير» كلۋبىنا قارسى وتكىزدى.
بيىلعى ماۋسىمنىڭ تۇساۋكەسەر كەزدەسۋىندە وسى كوماندالاردىڭ ەكەۋى دە جەڭىلىستىڭ كەرمەك ءدامىن تاتقان ەدى. «بارىس» وفەنىڭ «سالاۆات يۋلاەۆىنان» (2:3), ال ء«سىبىر» ومبىنىڭ «اۆانگاردىنان» (1:2) ۇتىلدى. بۇل جولى جەرلەستەرىمىز باسەكەنى وتە قارقىندى باستادى. ماتچتىڭ 27 مينۋتىنا دەيىن اندرەي سكابەلكانىڭ شاكىرتتەرى قارسىلاستارى قاقپاسىن ءۇش مارتە ءدال كوزدەدى. بۇل گولداردىڭ اۆتورلارى – داۆيد سكلەنيچكا, الەكس گرانت جانە رايلي باربەر. ال ودان كەيىن ءبىز «بارىستى» مۇلدە تانىماي قالدىق. ۇزىلىسكە دەيىن ولار قوناقتارعا تارازى باسىن تەڭەستىرۋگە مۇمكىندىك بەرىپ قويدى.
51 مينۋتتا باتىرلان مۇراتوۆ استانالىقتاردى العا شىعارعاندا ءبىر «ۋھ» دەدىك. بىراق كوپ ۇزاماي ء«سىبىردىڭ» ويىنشىلارى تابلوداعى ەسەپتى وزگەرتىپ قانا قويماي, وۆەرتايمدا جەڭىستى ج ۇلىپ اكەتتى – 4:5.