شىمكەنت قالاسىنىڭ اكتيۆىمەن كەزدەسكەن پرەمەر-مينيستر ءاليحان سمايىلوۆ شاھاردىڭ رەسپۋبليكالىق ماڭىزى بار قالا مارتەبەسىن العالى بەس جىل وتكەنىن, كەلەشەكتە قولايلى ەكونوميكالىق جانە ىسكەرلىك ورتالىققا اينالۋى ءتيىس ەكەنىن ايتتى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
ءا.سمايىلوۆ ءۇشىنشى مەگاپوليستىڭ اكتيۆىمەن كەزدەسىپ, ينۆەستورلاردى كوپتەپ تارتۋ ءۇشىن جاعداي جاساپ, قالا دامۋىنا كۇش قوساتىن ونەركاسىپتىك جوبالاردى ىسكە اسىرۋعا باسىمدىق بەرۋ قاجەتتىگىن ايتتى.
ء«بىز شىمكەنت قالاسىنىڭ شاعىن جانە ورتا بيزنەس ءۇشىن ونەركاسىپتىك ايماقتار قۇرۋ تاجىريبەسىن كەڭىنەن قولدايمىز. بيىل بۇل تاجىريبەنى بارلىق وڭىردە قولدانۋ باعدارلاماسى جۇزەگە اسىرىلىپ جاتىر. شىمكەنت شاعىن جانە ورتا بيزنەستىڭ ورتالىعى دەپ ايتۋعا بولادى. سول سەبەپتى شاعىن يندۋستريالىق ايماقتاردى ىسكە قوسۋ جۇمىستارى جالعاسۋعا ءتيىس», دەگەن پرەمەر-مينيستر جاڭا تاعايىندالعان قالا اكىمىنە مەملەكەت باسشىسى جۇكتەگەن مىندەتتەردى جۇزەگە اسىرۋدا ابجىلدىك كەرەك ەكەنىن ايتتى.