استانا قالاسى اكىمىنىڭ ورىنباسارى نۇرلان سولتامبەكوۆتىڭ باسقا جۇمىسقا اۋىسۋىنا بايلانىستى جاڭا ورىنباسار تاعايىندالدى. پرەزيدەنت اكىمشىلىگىنىڭ كەلىسىمى بويىنشا مەريتوكراتيا قاعيداتىنا سايكەس اكىمنىڭ ورىنباسارى بولىپ 45 جاستاعى ەرسىن وتەباەۆ تاعايىندالدى, دەپ جازادى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
ەرسىن وتەباەۆتىڭ مەملەكەتتىك قىزمەتتەگى ءوتىلى 11 جىلدان اسادى. ماماندىعى – ينجەنەر-قۇرىلىسشى, قۇقىقتانۋ. 2012 جىلدان باستاپ «الماتى وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى» مم (تالدىقورعان قالاسى) مامانى, 2012 جىلعى جەلتوقساننان 2015 جىلعى 15 اقپانعا دەيىن – وبلىس اكىمىنىڭ ۇيىمداستىرۋ-ينسپەكتورلىق جۇمىس ءبولىمىنىڭ باس ينسپەكتورى, «الماتى وبلىسى اكىمىنىڭ اپپاراتى» مم (تالدىقورعان قالاسى) مامانى بولىپ جۇمىس ىستەدى.
سوڭعى 8 جىل ىشىندە «استانا قالاسىنىڭ كوممۋنالدىق م ۇلىك جانە مەملەكەتتىك ساتىپ الۋ باسقارماسى» مم, «استانا قالاسىنىڭ اكتيۆتەر جانە مەملەكەتتىك ساتىپ الۋ باسقارماسى» مم باسشىسىنىڭ ورىنباسارى, باسشىسى لاۋازىمدارىن اتقاردى.
ەلوردا اكىمى جەڭىس قاسىمبەك ەرسىن وتەباەۆتىڭ الدىنا قالانى دامىتۋ جونىندە بىرقاتار مىندەت قويدى.