قر ورتالىق سايلاۋ كوميسسياسىنىڭ توراعاسى نۇرلان ءابدىروۆ پرەزيدەنتتىڭ اۋداندار مەن وبلىستىق ماڭىزى بار قالا اكىمدەرىن سايلاۋ ءتارتىبىن وزگەرتۋگە قاتىستى باستاماسىنا تۇسىنىكتەمە بەردى, دەپ حابارلايدى Egemen.kz.
«مەملەكەت باسشىسى ءوز جولداۋىندا اۋداندار مەن وبلىستىق ماڭىزى بار قالا اكىمدەرىن سايلاۋعا قاتىستى وزەرىستەر جايلى ايتتى. بۇل – مۇلدەم جاڭا سايلاۋ ەكەنىن ايتا كەتۋ كەرەك. بىراق مەن 2021 جىلدىڭ 25 شىلدەسىنەن باستاپ قازاقستاندا اپتا سايىن اۋىلدىق دەڭگەيدەگى اكىمدەردى سايلاۋ ءوتىپ كەلە جاتقانىن ەسكە سالعىم كەلەدى», دەدى نۇرلان ءابدىروۆ باق وكىلدەرىنىڭ ساۋالىنا جاۋاپ بەرە وتىرىپ.
ءوز سوزىندە نۇرلان ءابدىروۆ بۇگىندە اۋىلدىق اكىمدىك كورپۋسىنىڭ تورتتەن ءۇشى حالىقتىڭ تىكەلەي سايلاۋى ارقىلى قىزمەتكە كىرىسەتىنىن تىلگە تيەك ەتتى.