مەملەكەت باسشىسىنىڭ باستاماسىمەن قولعا الىنعان «تازا قازاقستان» جالپىۇلتتىق اكتسياسىنا ەلىمىزدەگى «كەلەشەك» مەكتەپتەرىنىڭ وقۋشىلارى جاپپاي اتسالىسىپ جاتىر. بۇگىن 185 مەكتەپتىڭ شاكىرتتەرى قورشاعان ورتانى قورعاۋعا باعىتتالعان اۋقىمدى سەنبىلىككە قاتىستى, دەپ حابارلايدى Egemen.kz.
«تازا قازاقستان» جوباسىنىڭ نەگىزگى ماقساتى – قوعامدا ەكولوگيالىق مادەنيەت قالىپتاستىرىپ, ازاماتتاردىڭ تابيعات الدىنداعى جاۋاپكەرشىلىگىن ارتتىرۋ. بۇل باعىتتا جاس ۇرپاقتىڭ بەلسەندىلىگى ايرىقشا ماڭىزعا يە.
قاسىم-جومارت توقاەۆ «سامال» ساياباعىندا اعاش وتىرعىزدى
سەنبىلىك بارىسىندا وقۋشىلار تەك ءوز مەكتەپتەرىنىڭ اۋماعىن تازارتىپ قانا قويماي, جاقىن ماڭداعى ساياباقتار مەن قوعامدىق ورىنداردى دا رەتكە كەلتىردى. مەكتەپ اۋماقتارى قوقىستان تازارتىلدى. كوپتەگەن وڭىرلەردە اعاش وتىرعىزۋ جانە كوگالداندىرۋ جۇمىستارى جۇرگىزىلدى. تابيعاتتى ايالاۋدىڭ ناقتى ۇلگىسى كورسەتىلدى.
پرەزيدەنت وقۋ-اعارتۋ مينيسترلىگىنە «جاسىل ساباقتار» جوباسىن قابىلداۋدى تاپسىردى
ايتا كەتەرلىگى, «كەلەشەك» مەكتەپتەرى دە, «تازا قازاقستان» اكتسياسى دا پرەزيدەنت قاسىم-جومارت توقاەۆتىڭ تىكەلەي باستاماسىمەن جۇزەگە اسىپ جاتىر. ءبىرى – ساپالى ءبىلىم بەرۋدى كوزدەسە, ەكىنشىسى – جاس ۇرپاقتىڭ بويىندا وزىق مادەنيەت پەن جاسامپاز ءپاتريوتيزمدى قالىپتاستىرۋعا باعىتتالعان. وقۋشىلاردىڭ بۇل بەلسەندىلىگى جاڭا ساپالى ۇلتتى قالىپتاستىرۋ جولىنداعى ماڭىزدى قادام.