26 تامىز بەن 17 قىركۇيەك ارالىعىندا ۆەلوسپورتتاعى ەڭ بەلدى جارىستاردىڭ ءبىرى – «يسپانيا ۆۋەلتاسى» كوپكۇندىگىنىڭ جالاۋى جەلبىرەيدى.
پيرەنەي تۇبەگىندەگى جانە اندوررا مەن فرانتسيا اۋماقتارىندا وتەتىن جارىس بارسەلونادان باستاۋ الىپ, مادريدتە ءوز مارەسىنە جەتەدى. 23 تاۋلىك ارالىعىندا ۆەلوشاباندوزدار 3156,5 شاقىرىمدى ءجۇرىپ وتۋگە ءتيىس. بيىلعى جارىستا 22 كوماندا باق سىنايدى. ولاردىڭ قاتارىندا «استانا» دا بار. ەلىمىز ۆەلوكلۋبىنىڭ ساپىندا داۆيد دە لا كرۋس (يسپانيا), لۋيس لەون سانچەس (يسپانيا), حاۆەر رومو (يسپانيا), دجو دومبروۆسكي (اقش), سامۋەلە باتتيستەللا (يتاليا), فابيو فەللينە (يتاليا), اندرەي زەيتس (قازاقستان) جانە ۆاديم پرونسكي (قازاقستان) ونەر كورسەتەدى.
ەستەرىڭىزگە سالا كەتەيىك, بىلتىر يسپانيامەن قوسا, نيدەرلاند پەن بەلگيا اۋماقتارىندا ۇيىمداستىرىلعان جارىس «Soudal Quick-Step» كلۋبىنىڭ سەركەسى, 22 جاستاعى بەلگيالىق رەمكو ەۆەنەپۋلدىڭ جەڭىسىمەن اياقتالدى.