«قازىر كوتەرە المايمىز»: جاماۋباەۆ 85 مىڭ تەڭگە جالاقى تۋرالى پىكىر ءبىلدىردى

مينيستر مۇنداي اقشاعا ءومىر ءسۇرۋ قيىن ەكەنىن مويىندادى. «قيىن, بىراق پىكىر بەرە المايمىن. ەلدەگى الەۋمەتتىك شىعىندار بيۋدجەتتىڭ 40 پايىزدان استامىن قۇرايدى. رەسپۋبليكالىق بيۋدجەتتى الاتىن بولساق, ونىڭ 95 پايىزى تىكەلەي شىعىندار, جالاقى, زەينەتاقى, جاردەماقىعا باعىتتالادى. ءوز تاراپىمنان قارجى ءمينيسترى رەتىندە بيۋدجەت قىزمەتكەرلەرىنىڭ جالاقىسى مەن جاردەماقىسىن كوتەرۋ مۇمكىندىگىن قاراستىرۋعا دايىنمىن. بىراق قازىر جالاقىنى كوتەرە المايمىز, ول ءۇشىن ۇلتتىق قورعا جۇگىنۋ كەرەك. بىز جالاقى ماسەلەسى توڭىرەگىندە عانا جۇمىس ىستەپ قويماي, ينفلياتسيا دەڭگەيىمەن دە كۇرەسۋىمىز كەرەك», دەپ ءتۇسىندىردى ەرۇلان جاماۋباەۆ.