قازاقستان پرەزيدەنتى قاسىم-جومارت توقاەۆ Petrovietnam كومپانياسى ديرەكتورلار كەڭەسىنىڭ توراعاسى حوانگ كۋوك ۆىونگتى قابىلدادى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
كەزدەسۋ بارىسىندا ەنەرگەتيكا جانە مۇناي-گاز حيمياسى سالالارىنداعى ىنتىماقتاستىق پەرسپەكتيۆالارى تالقىلاندى.
مەملەكەت باسشىسى مۇناي مەن گاز وڭدەۋ جانە گەولوگيالىق بارلاۋ سالالارىنداعى جوبالاردى جۇزەگە اسىرۋعا قىزىعۋشىلىق تانىتقان ينۆەستورلارعا سالىقتىق جانە كەدەندىك جەڭىلدىكتەر ۇسىنۋ مۇمكىندىكتەرى بار ەكەنىنە نازار اۋداردى.
ءوز كەزەگىندە حوانگ كۋوك ۆىونگ قاسىم-جومارت توقاەۆقا كومپانيانىڭ ەنەرگەتيكا جانە مۇناي حيمياسى سالالارىندا جۇزەگە اسىرىپ جاتقان جوبالارى تۋرالى باياندادى.
Petrovietnam – وڭتۇستىك شىعىس ازيانىڭ مۇناي-گاز ونەركاسىبىندەگى باستى ويىنشىلاردىڭ ءبىرى. اكتيۆتەرىنىڭ جالپى قۇنى 40 ميللليارد دوللارعا باعالانادى.