قر وقۋ-اعارتۋ مينيسترلىگىنىڭ ءباسپاسوز قىزمەتى ءمالىم ەتكەندەي, بالالاردىڭ قاۋىپسىزدىگىن قامتاماسىز ەتۋ ماقساتىندا ەلىمىزدىڭ ايماقتارىنا 415 جاڭا مەكتەپ اۆتوبۋسى جەتكىزىلدى, دەپ حابارلايدى Egemen.kz.
بۇل ورايدا اقمولا, اقتوبە, باتىس قازاقستان, قاراعاندى, قوستاناي, تۇركىستان, قىزىلوردا, پاۆلودار وبلىستارى مەكتەپتەرىنىڭ اۆتوپاركتەرى تولىقتىرىلعان.
«بيىل العاش رەت وڭىرلەردەگى مەكتەپ وقۋشىلارىن تاسىمالداۋ ءۇشىن ءبىلىم وشاقتارىن اۆتوبۋستارمەن بىرجولعى قامتاماسىز ەتۋ مىندەتى جان-جاقتى قارالدى. ەسكىرگەن اۆتوپاركتى اۋىستىرۋ جانە اۆتوكولىكتىڭ سانىن كوبەيتۋ ماسەلەسى شەشىلدى. قازىر وبلىستىڭ جەرگىلىكتى اتقارۋشى ورگاندارىمەن بىرلەسىپ قالعان اۆتوبۋستاردى وڭىرگە جەتكىزۋ بويىنشا ءتيىستى جۇمىستار جۇرگىزىلىپ جاتىر», دەپ اتاپ ءوتتى ۆەدومستۆونىڭ ءباسپاسوز حاتشىسى.
ايتالىق, جاڭا اۆتوبۋستار قاۋىپسىزدىك بەلدىكتەرى تاعىلعان ورىندىقتارمەن, بالالاردى سالوندا قالدىرۋدىڭ الدىن الۋ جۇيەسىمەن, سالوننىڭ ارتقى جاعىندا اپاتتىق شىعۋ جولىمەن, بالالاردى تاسىمالداۋ پروتسەسى كەزدەرىندە ارنايى شامداردىڭ تۇتانۋىمەن جابدىقتالعان.