ەلىمىزدە «جاستار اپتالىعى» ارنايى ءىس-شاراسى باستالدى. وسىعان سايكەس 7-12 تامىز ارالىعىندا رەسپۋبليكا وڭىرلەرىنىڭ بارلىق الاڭدارىندا قايىرىمدىلىق, ۆولونتيورلىك جانە ەكولوگيالىق اكتسيالار, بوس ورىندار جارمەڭكەلەرى, ءتۇرلى فەستيۆالدار, جاستارعا ارنالعان كونتسەرتتەر مەن سەمينارلار وتەدى.
ءىس-شارالار 12 تامىزدا اتالىپ وتەتىن حالىقارالىق جاستار كۇنى قارساڭىندا ۇيىمداستىرىلادى. بۇل تۋرالى اقپارات جانە قوعامدىق دامۋ ءمينيسترى دارحان قىدىرالى مالىمدەدى.باستى ماقسات – جاستارعا ارنالعان قوعامدىق-مادەني, سپورتتىق ءىس-شارالار ۇيىمداستىرۋ ارقىلى اتاۋلى كۇننىڭ قوعامدىق مارتەبەسىن كوتەرۋ.
«جاستار اپتالىعى» ەلىمىزدىڭ ءار وڭىرىندە «12 يگى ءىس» قايىرىمدىلىق اكتسياسىمەن باستالدى. بۇل كۇندەرى جاس ەرىكتىلەر مەن جاستار ۇيىمدارىنىڭ وكىلدەرى قارتتار ۇيلەرىنە, بالالار ۇيلەرىنە بارادى; ەكولوگيالىق اكتسيالار وتكىزەدى جانە مۇقتاج جاندارعا كومەك كورسەتەدى.