كەشە استاناعا اۋعانستاننىڭ ونەركاسىپ جانە ساۋدا ءمينيسترى نۋريددين ازيزي باستاعان 210 ادامنان تۇراتىن بيزنەس-دەلەگاتسيا كەلدى, دەپ حابارلايدى Egemen.kz قر ۇكىمەتىنىڭ ءباسپاسوز قىزمەتىنە سىلتەمە جاساپ.
قوناقتاردى اۋەجايدا قر پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعارين كۇتىپ الدى.
دەلەگاتسيا قاتارىندا اۋعانستاننىڭ ورتالىق بانكىنىڭ باسشىلارى, ءىرى جەكە مەنشىك بانكتەردىڭ, «دا افگانيستان برەشنا شەركات» (DABS) ەنەرگەتيكالىق كومپانياسىنىڭ, «افگان تەلەكوم» (AfTel) تەلەكومۋنيكاتسيالىق كومپانياسىنىڭ, اۋىل شارۋاشىلىعى ونىمدەرى مەن مال شارۋاشىلىعى پالاتاسىنىڭ, ساۋدا-ينۆەستيتسيالىق پالاتاسىنىڭ, سونداي-اق اۋىل شارۋاشىلىعى, فارماتسەۆتيكا, ونەركاسىپ, كولىك-لوگيستيكا, ينجەنەرلىك, توقىما جانە باسقا كومپانيالاردىڭ وكىلدەرى بار.
ايتا كەتسەك, بۇگىن, 2 تامىزدا قازاقستان جانە اۋعانستان كومپانيالارىنىڭ پرەزەنتاتسيالارى, B2B كەلىسسوزدەرى وتەدى. ال ەرتەڭ, 3 تامىزدا بيزنەس-فورۋم جۇمىسىن باستايدى, 4 تامىزدا ەلوردا تۇرعىندارى مەن قوناقتارى اۋعان تاۋارلارىنىڭ كورمەسىن (EXPO, كونگرەسس-ورتالىق) تاماشالاي الادى. كورمەدە اۋعانستاننان ءتۇرلى ازىق-ت ۇلىك, مىس ىدىستار, ءمارمار, كىلەمدەر, زەرگەرلىك بۇيىمدار مەن باسقا دا تاۋارلار ۇسىنىلادى.