ەلوردانىڭ اينالما جولىنداعى تەمىرجول ۇستىنەن وتەتىن اۆتوكولىككە ارنالعان كوپىرگە كۇردەلى جوندەۋ جۇمىستارى باستالعالى سول باعىتتاعى كولىك كىدىرىستەرى كوبەيىپ, جۇرتقا قولايسىزدىق تۋدىرىپ كەلگەنى راس. ەندىگى ءبىر قۋانارلىعى, اتالعان جولدىڭ قۇرىلىسى مەرزىمىنەن بۇرىن اياقتالىپ وتىر.
«استانا قالاسىنىڭ ۇلكەن اينالما جولىنىڭ» 4-ءشى شاقىرىمىنداعى تەمىرجول ارقىلى وتەتىن وتكەلدە كۇردەلى جوندەۋ جۇمىستارى اياقتالعالى تۇر. بۇل وتكەل اپاتتى دەپ تانىلعانى ءمالىم. قازىر نەگىزگى قۇرىلىس-مونتاجداۋ جۇمىستارى تولىقتاي اياقتالعان. اتاپ ايتارلىعى, جول وتكەلى تولىق دەرلىك جاڭادان سالىندى.
ءسويتىپ, نەگىزگى قۇرىلىمدارى نىعايىپ, بۇرىنعىدان الدەقايدا جاقسارا تۇسكەن. قازىرگى ۋاقىتتا جايلاستىرۋ جۇمىستارى جۇرگىزىلىپ جاتىر. جول وتپەسىندە ءتورت جولاقتى قوزعالىس قامتاماسىز ەتىلدى. كولىك قوزعالىسىنىڭ بولجامدى قارقىندىلىعى تاۋلىگىنە 19-20 مىڭ اۆتوكولىكتى قۇراماق.
كۇردەلى جوندەۋ جۇمىستارىنىڭ ناتيجەسىندە ر-10 تاسجولىنىڭ وتكىزۋ قابىلەتى ارتىپ, كولىكتەر مەن پويىزداردىڭ قوزعالىس قاۋىپسىزدىگى قامتاماسىز ەتىلمەك. قۇرىلىس-مونتاجداۋ جۇمىستارى بەلگىلەنگەن ۋاقىتتان بۇرىن اياقتالدى.