مالايزيانىڭ مالاككا قالاسىندا WKF كاراتەدەن ەرەسەكتەر اراسىنداعى XIX ازيا چەمپيوناتى اياقتالدى, دەپ حابارلايدى Egemen.kz سپورتتى دامىتۋ ديرەكتسياسىنىڭ ينستاگرام پاراقشاسىنا سىلتەمە جاساپ.
الەمنىڭ 31 ەلىنەن 400-گە جۋىق تاتامي شەبەرى جينالعان ازيا چەمپيوناتىندا قازاقستان نامىسىن 19 سپورتشى قورعادى.
جارىستىڭ سوڭعى كۇنى كوماندالىق سىندا جۇلدەلى ورىندار ساراپقا سالىندى. ناتيجەسىندە كۋميتە باعدارلاماسىندا ەرلەر كوماندالارى اراسىندا قازاقستان قۇراماسى كۇمىس جۇلدەگە قول جەتكىزدى.
ازيا چەمپيوناتىنىڭ قورىتىندىسى بويىنشا ءۇشىنشى ورىندا يران (3 التىن, 2 كۇمىس, 7 قولا), ەكىنشى ورىندا جاپونيا (3 التىن, 3 كۇمىس, 2 قولا), ال قازاقستان قۇراماسى 3 التىن, 4 كۇمىس جانە 4 قولا مەدالمەن العاش رەت جالپى ەسەپتە كوش باستادى.