«قازگيدرومەت» 22 شىلدەدە بولاتىن قاۋىپتى مەتەورولوگيالىق قۇبىلىستارعا بولجام جاسادى, دەپ حابارلايدى Egemen.kz.
اتموسفەرالىق فرونتالدى بولىمدەردىڭ وتۋىنە بايلانىستى ەلىمىزدىڭ باسىم بولىگىندە تۇراقسىز اۋا رايى ساقتالادى, جاڭبىر جاۋادى, نايزاعاي, بۇرشاق, داۋىل كۇتىلەدى. تەك رەسپۋبليكامىزدىڭ وڭتۇستىگىندە, وڭتۇستىك-باتىسىندا جانە ورتالىعىندا جاۋىن-شاشىن بولمايدى. ەل بويىنشا جەل كۇشەيەدى, تۇندە جانە تاڭەرتەڭ سولتۇستىكتە تۇمان, كۇندىز وڭتۇستىك-باتىستا شاڭدى داۋىل تۇرادى.
«كۇندىز جامبىل, ماڭعىستاۋ, اتىراۋ, تۇركىستان, الماتى, جەتىسۋ وبلىستارىندا, قاراعاندى, اباي, اقتوبە, ۇلىتاۋ وبلىستارىنىڭ وڭتۇستىگىندە 35-40°س قاتتى ىستىق بولادى.
تۇركىستان, جامبىل, شىعىس قازاقستان, قاراعاندى, ۇلىتاۋ, جەتىسۋ, اباي وبلىستارىنىڭ باسىم بولىگىندە, قىزىلوردا وبلىسىنىڭ ورتالىعىندا, شىعىسىندا, پاۆلودار وبلىسىنىڭ وڭتۇستىگىندە, اقتوبە وبلىسىنىڭ وڭتۇستىك-شىعىسىندا, ماڭعىستاۋ وبلىسىنىڭ سولتۇستىك-باتىسىندا, وڭتۇستىگىندە, ورتالىعىندا, اتىراۋ وبلىسىنىڭ باتىسىندا توتەنشە ءورت قاۋىپى ساقتالادى», دەپ جازدى سينوپتيكتەر.
الماتى, سولتۇستىك قازاقستان وبلىستارىندا, قوستاناي, اتىراۋ وبلىستارىنىڭ وڭتۇستىگىندە, اقمولا وبلىسىنىڭ وڭتۇستىگىندە, سولتۇستىگىندە, شىعىسىندا جوعارى ءورت قاۋىپى بولادى.