بيىل ەلوردادا اتاۋلى الەۋمەتتىك كومەك الۋشىلار سانى 2019 جىلمەن سالىستىرعاندا 2,3 ەسەگە تومەندەدى. ەلوردادا ونى قانشا ادام الاتىنى تۋرالى استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ايگۇل تالاسوۆا ونلاين-بريفينگ بارىسىندا ءمالىم ەتتى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
جىل باسىنان بەرى ااك 2809 وتباسىعا (13,8 ادام), ونىڭ ىشىندە 1361 كوپبالالى وتباسىعا (8,6 مىڭ ادام) تاعايىندالدى.
اتاۋلى الەۋمەتتىك كومەك الۋشىلاردىڭ سانى بيىل 2019 جىلمەن سالىستىرعاندا 2,3 ەسەگە – 9,4 مىڭنان 4 مىڭ وتباسىعا دەيىن تومەندەدى.
«جىل باسىنان بەرى اقشالاي تولەم تۇرىندە ااك الۋشىلار قاتارىنان 4562 بالاعا (2441 وتباسى) 1,5 اەك (5 175 تەڭگە) مولشەرىندە قولداۋ رەتىندە قوسىمشا تولەم بەلگىلەۋ جولىمەن مونەتيزاتسيا جۇزەگە اسىرىلدى. بۇل ااك الاتىن وتباسىلارعا ازىق-ت ۇلىك جيىنتىقتارىن ءوز بەتىنشە ساتىپ الۋعا مۇمكىندىك بەردى», دەدى ايگۇل تالاسوۆا.
ااك تاعايىنداۋ ماسەلەسىن قاراۋ ءۇشىن استانا قالاسى, بەيبىتشىلىك كوشەسى, 14-ءۇي مەكەنجايىندا ورنالاسقان «جانۇيا» وتباسى ينستيتۋتىن قولداۋ ورتالىعىنا جۇگىنۋ (تەل. 27-23-23) نەمەسە www.egov.kz ەلەكتروندىق ۇكىمەت پورتالى ارقىلى ءوتىنىم بەرۋ قاجەت.