جامبىل وبلىسىندا مەملەكەتتىك كاسىپورىننىڭ باس ەسەپشىسىنە قاتىستى سوت ۇكىمى شىقتى. ول 3 جىلعا باس بوستاندىعىنان ايىرىلدى, دەپ حابارلايدى Egemen.kz وبلىستىق پروكۋراتۋرانىڭ ءباسپاسوز قىزمەتىنە سىلتەمە جاساپ.
«قۇلان-ەنەرگو جىلۋ» مەكەمەسىنىڭ باس ەسەپشىسى تولەم تاپسىرمالارىمەن كمك-نىڭ بيۋدجەت قاراجاتىن ءوزىنىڭ كارتوچكالىق شوتتارىنا اۋدارعان. ءوزىنىڭ قىلمىستىق ارەكەتتەرىن جاسىرۋ ءۇشىن تولەم تاپسىرمالارىنىڭ باعانىنا تاۋارلار, كاسىپتىك, عىلىمي جانە تەحنيكالىق قىزمەتتەر ءۇشىن تولەمدەر رەتىندە تولەمنىڭ ماقساتىن كورسەتكەن.
«تۇرار رىسقۇلوۆ اتىنداعى اۋداندىق سوتتىڭ 23 ماۋسىمداعى ۇكىمىمەن كاسىپورىننىڭ باس بۋحگالتەرى قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلىپ, وعان 3 جىل مەرزىمگە باس بوستاندىعىن شەكتەۋ تۇرىندەگى جازا تاعايىندالدى. سونداي-اق كوممەرتسيالىق جانە وزگە دە ۇيىمداردا 3 جىل مەرزىمگە ماتەريالدىق-جاۋاپتى لاۋازىمداردى اتقارۋ قۇقىعىنان ايىرۋ تۇرىندەگى قوسىمشا جازا تاعايىندالدى», دەلىنگەن حابارلامادا.
سوت ۇكىمى زاڭدى كۇشىنە ەندى.
زاڭسىز اۋدارىلعان قارجى مەملەكەتكە تولىق كولەمدە قايتارىلدى.