استانا قالاسىنىڭ اكىمى جەڭىس قاسىمبەك Instagram پاراقشاسىندا قالا تۇرعىندارىن جۇمىسپەن قامتۋ ماسەلەسى قالاي شەشىلىپ جاتقانىن ءمالىم ەتتى, دەپ حابارلايدى Egemen.kz.
«قالامىزدا تۇرعىنداردى, ونىڭ ىشىندە تۇلەكتەر مەن جاستاردى جۇمىسقا ورنالاستىرۋعا ارنالعان بىرقاتار باعدارلامانى جۇزەگە اسىرىپ جاتىرمىز. ماسەلەن بيىل بيزنەس, اكىمدىك جانە ءبىلىم بەرۋ ينستيتۋتتارىنىڭ ىنتىماقتاستىعىنىڭ ارقاسىندا 60 مىڭ جۇمىس ورنىن قۇرۋدى جوسپارلاپ وتىرمىز», دەپ جازدى اكىم.
قالا باسشىسىنىڭ جازۋىنشا, مامبەتوۆ كوشەسىندەگى اربات اۋماعىندا جاستارعا ارنالعان بوس جۇمىس ورىندارىنىڭ جارمەڭكەسى ءوتتى. بۇل – بيىل جاستارعا ارنالعان 16-شى جارمەڭكە.
«بۇگىنگى جارمەڭكەگە 70 جەتەكشى كومپانيا مەن ۇيىم قاتىستى. ولار: قازپوشتا, قتج, Astana HUB, سامۇرىق قازىنا, ERG, بانكتەر, مەدۇيىمدار, وقۋ ورتالىقتارى جانە ت.ب. ءتۇرلى قىزمەت سالالارىندا 1300-دەن استام بوس جۇمىس ورنى ۇسىنىلدى. اتالعان جارمەڭكەنى Amanat پارتياسى ءبىزدىڭ باسقارمالارمەن بىرلەسە ۇيىمداستىردى», دەپ جازدى ەلوردا اكىمى.