14 شىلدە كۇنى جۇمىس ىزدەپ جۇرگەن قالا تۇرعىندارى, استانا جوو تۇلەكتەرى مەن جەرگىلىكتى جاستار ءۇشىن ەلوردالىق ارباتتا مامبەتوۆ كوشەسى بويىندا بوس ورىندارىنىڭ جارمەڭكەسى وتەدى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
بوس جۇمىس ورىندارى جارمەڭكەسى 14 شىلدەدە ساعات 16:00-دەن 20:00-گە دەيىن وتەدى. ءىس-شارانى استانا قالاسىنىڭ جاستار ساياساتى ماسەلەلەرى باسقارماسى AMANAT پارتياسىمەن بىرلەسىپ ۇيىمداستىرادى.
بوس جۇمىس ورىندار جارمەڭكەسىنىڭ نەگىزگى ماقساتى – جۇمىس بەرۋشى مەن جۇمىس ىزدەۋشى اراسىنداعى تىكەلەي بايلانىس ارقىلى جۇمىسسىز ازاماتتاردى, ءبىلىم بەرۋ ۇيىمدارىنىڭ تۇلەكتەرى مەن جاستاردى جۇمىسقا ورنالاستىرۋعا جاردەمدەسۋ. وعان قاتىسۋ جونىندە 40-تان استام ەلوردانىڭ جەتەكشى كومپانيالارى مەن ۇيىمدارى ءوتىنىش ءبىلدىردى.