استانادا Ailand وتباسىلىق دەمالىس ورتالىعىنىڭ جانىندا جاڭا اتتراكتسيوندار پاركى اشىلدى. ءىس-شارانىڭ قۇرمەتىنە وراي ارنايى كونتسەرت وتكىزىلدى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
ساياباقتا كارۋسەل, نەشە ءتۇرلى ماشينالار ارقىلى كوڭىل كوتەرۋگە بولادى, سونىمەن قاتار بالالاردىڭ سۋمەن ويناۋىنا دا مۇمكىندىك قاراستىرىلعان.
اتتراكتسيونداردىڭ جانىندا دەمالۋعا جانە تاماقتانۋعا ارنالعان كولەڭكەلى ورىندىقتارى بار جاسىل ايماق ورنالاسقان. ساياباق ءۇش جاستان اسقان بالالارعا ارنالعان. سالتاناتتى اشىلعاننان كەيىن جۇمىسىنا بىردەن كىرىستى. جاز مەزگىلى اياقتالعانعا دەيىن كۇن سايىن ساعات 10.00-دەن 22.00-گە دەيىن جۇمىس ىستەيدى.«جاڭا ويىن-ساۋىق الاڭى بۇگىن 25 جىلدىعى اتاپ ءوتىلىپ جاتقان قالامىزدىڭ ءبىر بولىگى بولادى. ەلوردا تۇرعىندارى مەن قوناقتارىن قۇتتىقتايمىن جانە ساياباقتىڭ اشىلۋىنا وراي وتەتىن كونتسەرتتە ۋاقىتتى كوڭىلدى وتكىزۋدى تىلەيمىن!», دەدى نۇرا اۋدانى اكىمىنىڭ ورىنباسارى سارسەنعالي اقجولوۆ. جيىلعان جۇرتتىڭ الدىندا مۋزىكالىق انسامبلدەر, شىعارماشىلىق ستۋديالار ينتەراكتيۆتى ويىندار وتكىزىلەدى. كونتسەرت كەشكى ساعات 21:00-دە بي كەشىمەن اياقتالادى.