جامبىل وبلىسىنىڭ تاۋلى جەرىندە ورىن العان قۇرعاق ءشوپ ءورتى وقشاۋلاندى, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
«بۇگىن ساعات 8.38-دە جامبىل وبلىسىنىڭ ت. رىسقۇلوۆ اتىنداعى اۋدانىندا تاۋلى جەردە ورىن العان قۇرعاق ءشوپ ءورتى وقشاۋلاندى. ءورت تاۋدىڭ باسىندا بولىپ جاتىر, اۋدانى انىقتالۋ ۇستىندە», دەلىنگەن ۆەدومستۆو حابارلاماسىندا.
وقيعا ورنىندا تجد جەكە قۇرامىنان 45 ادام مەن 6 بىرلىك ارنايى تەحنيكا, ەرىكتى ءورت ءسوندىرۋ قۇرالىمدارىنان 30 ادام جانە 5 بىرلىك تەحنيكا, ورمان شارۋاشىلىعىنان 30 ادام جانە 2 بىرلىك تەحنيكا جۇمىلدىرىلدى.