XIX عاسىردا ومىرگە قاۋىپ توندىرەتىن كيىمدەردى كيۋ قالىپتى جاعدايلاردىڭ ءبىرى بولعان. مىسالى, نازىك جاندىلاردىڭ ەسىنەن تانۋعا دەيىن اكەپ سوقتىراتىن كورسەتتىڭ بىرنەشە ءتۇرى بولعان, دەپ حابارلايدى Egemen.kz
كيىمگە قاتىستى قيىندىقتار ەر ادامداردى دا اينالىپ وتپەگەن.
سول داۋىردە ەر ادامدارعا ارنالعان الىنبالى جاعالار ساندە بولعان. ونى جەيدەدەن بولەك الىپ جۋ وتە ىنعايلى. نەگىزى جاعالاردىڭ وزدەرى زيانسىز بولعان, بىراق ولاردى كراحمالداعان كەزدە ماتا قاتايىپ, يىلمەي قالادى ەكەن. بۇنداي جاعا قان اينالىم جۇيەسىنە تەرىس اسەر ەتكەن.
ال ءدال سول ۋاقىتتا كوبىسى الكوگولدى سۋسىندارعا قۇمار بولعان دەسەدى. ىشىمدىككە تويىپ العان ادام باسىن ابايسىزدا ءساتسىز بۇرىپ قالعان جاعدايدا كراحمالدانعان جاعاسىنىڭ كەسىرىنەن ومىرىمەن دە قوش ايتىسقان ساتتەر بولعان.