ۇلتتىق ەكونوميكا ءمينيسترى الىبەك قۋانتىروۆ «اماNات» پارتياسىنىڭ سايلاۋالدى باعدارلاماسىن جۇزەگە اسىرۋ بارىسى تۋرالى ايتتى, دەپ حابارلايدى Egemen.kz.
«AMANAT» پارتياسىنىڭ بارلىق دەڭگەيدەگى ءماسليحاتتار دەپۋتاتتارىنىڭ ءبىرىنشى رەسپۋبليكالىق فورۋمىندا ۇەم باسشىسى 2022 جىلى جۇرگىزىلگەن كونستيتۋتسيالىق رەفورمانىڭ ناتيجەسىندە حالىقتىڭ مەملەكەت قىزمەتىنە قاتىسۋ تەتىكتەرى ايتارلىقتاي كەڭەيگەنىن اتاپ ءوتتى.
ء«ماسليحات دەپۋتاتتارىنىڭ مارتەبەسى مەن دەربەستىگىن ارتتىرۋ ءۇشىن ءماسليحات حاتشىسىنىڭ لاۋازىمى ءماسليحات توراعاسى بولىپ قايتا قۇرىلدى, تۇراقتى كوميسسيالار توراعالارىنىڭ ەكى لاۋازىمى ەنگىزىلدى, سونداي-اق بيۋدجەت قاراجاتى ەسەبىنەن ءماسليحات دەپۋتاتتارىنىڭ بىلىكتىلىگىن ارتتىرۋ كوزدەلگەن», دەدى مينيستر.
ول سونداي-اق ەندى ءماسليحاتتار اكىمدەردىڭ حالىقپەن كەزدەسۋى بارىسىندا كوتەرىلگەن پروبلەمالاردىڭ مونيتورينگىن جۇزەگە اسىراتىنىن, اكىمدىكتەردىڭ بيۋدجەتتىك كوميسسيالارىنىڭ جۇمىسىنا قاتىساتىنىن, قاجەت بولعان جاعدايدا بيۋدجەتتى ناقتىلاۋعا باستاما جاساۋ قۇقىعىن بەرەتىنىن ناقتىلادى. سونىمەن قاتار ءا.قۋانتىروۆ فورۋم قاتىسۋشىلارىنا كەلەسى باعىتتار بويىنشا جۇرگىزىلىپ جاتقان جۇمىستار تۋرالى ايتىپ بەردى:
وڭىرلەردى دامىتۋ بويىنشا
اۋىلدىق اۋماقتاردى دامىتۋدىڭ 2023-2027 جىلدارعا ارنالعان تۇجىرىمداماسى قابىلداندى • «اۋىل – ەل بەسىگى» باعدارلاماسى بويىنشا بيىل 800 اۋىلدا 200 ملرد تەڭگە سوماسىنا 1,8 مىڭ جوبانى ىسكە اسىرۋ جوسپارلانىپ وتىر «ديپلوممەن اۋىلعا» جوباسى شەڭبەرىندە الداعى 3 جىلعا جالپى سوماسى 70 ملرد تەڭگەگە 13 مىڭ ماماندى الەۋمەتتىك قولداۋ شارالارىن ۇسىنۋ جوسپارلانۋدا • 2029 جىلعا دەيىن حالىقتىڭ تابىسىن ارتتىرۋ باعدارلاماسى وزەكتەندىرىلدى مونو جانە شاعىن قالالاردى دامىتۋ شەڭبەرىندە 74 جوبانى ىسكە اسىرۋعا 35 ملرد تەڭگە ءبولىنىپ, جىل سايىن سوما 50 ملرد تەڭگەگە دەيىن وسەدى.كاسىپكەرلىكتى دامىتۋ بويىنشا
«قازىرگى ۋاقىتتا بيزنەستى قولداۋ قۇرالدارى كوزدەلگەن كاسىپكەرلىكتى دامىتۋ ۇلتتىق جوباسى ىسكە اسىرىلۋدا. وتكەن جىلى رەسپۋبليكالىق بيۋدجەتتەن 170 ملرد تەڭگە ءبولىندى», دەدى ۇەم باسشىسى.
ء«تاريفتى ينۆەستيتسياعا ايىرباستاۋ» باعدارلاماسى بويىنشا اعىمداعى جىلى:
234 ملرد تەڭگە ينۆەستيتسيا تارتىلادى 5,8 مىڭ شاقىرىم ينجەنەرلىك جەلىلەرگە جوندەۋ جۇرگىزۋ جوسپارلانۋدا 213 ءوتىنىم قارالدى جەلىلەر توزۋىنىڭ 2%-عا, اپاتتى جاعدايلاردىڭ 5%-عا تومەندەۋى, جۇمىسشىلار جالاقىسىنىڭ 50% - دان 100% - عا دەيىن كوتەرىلۋى كۇتىلەدىبيۋدجەتتىك ورتالىقسىزداندىرۋ بويىنشا
2022 جىلى جەرگىلىكتى بيۋدجەتتەردىڭ كىرىس بازاسى بىرقاتار تولەمدەردى جەرگىلىكتى دەڭگەيگە بەرۋ ەسەبىنەن 81 ملرد تەڭگەگە ۇلعايتىلدى بيۋدجەتتىڭ IV دەڭگەيىنە سالىقتار مەن تولەمدەردىڭ 4 ءتۇرىن بەرۋ جوسپارلانعان وڭىرلىك ستاندارتتار جۇيەسى ەنگىزىلدى«بيىل مينيسترلىكتىڭ الدىندا جاڭا سالىق جانە بيۋدجەت كودەكستەرىن ازىرلەۋ مىندەتى تۇر. «مەملەكەتتىك-جەكەشەلىك ارىپتەستىك تۋرالى» جانە «كونتسەسسيالار تۋرالى» زاڭداردى بىرىكتىرۋ بويىنشا جۇمىستار جۇرگىزىلىپ جاتىر», دەپ قورىتىندىلادى ۆەدومستۆو باسشىسى.