سەنات زاڭسىز جولمەن الىنعان اكتيۆتەردى مەملەكەتكە قايتارۋ تۋرالى زاڭ جوباسىن ماقۇلدادى, دەپ حابارلايدى Egemen.kz.
زاڭ جوباسى قازاقستانعا زاڭسىز جولمەن الىنعان م ۇلىكتى انىقتاۋ مەن قايتارۋدىڭ جانە ولاردى زاڭدى ەكونوميكالىق اينالىمعا تارتۋدىڭ زاڭنامالىق تەتىكتەرىن ايقىنداۋعا, م ۇلىكتى زاڭسىز يەمدەنۋ مەن الىپ قويۋعا ىقپال ەتكەن سەبەپتەر مەن جاعدايلاردى جويۋعا, سونداي-اق قوعامدا الەۋمەتتىك ادىلەتتىلىكتى قالپىنا كەلتىرۋگە باعىتتالعان. بۇعان دەيىن ايتىلعانداي, زاڭ جوباسىندا اكتيۆتەردى ەرىكتى جانە ءماجبۇرلى قايتارۋ قاراستىرىلعان.
«ەرىكتى قايتارۋ زاڭسىز الىنعان م ۇلىكتىڭ بارلىعىن نەمەسە ءبىر بولىگىن ءوز ەركىمەن قايتارۋ تۋرالى شارتتار جاساسۋ ارقىلى مەملەكەت مەنشىگىنە بەرۋ ارقىلى جۇزەگە اسىرىلادى. ماجبۇرلەپ قايتارۋ قازاقستاننىڭ, شەت مەملەكەتتەردىڭ سوت اكتىلەرى نەمەسە ولاردىڭ قۇزىرەتتى ورگاندارىنىڭ شەشىمدەرى نەگىزىندە جۇزەگە اسىرىلادى. وندا قايتارىلعان اكتيۆتەردى جيناقتاۋ جانە قازاقستان حالقىنىڭ ءال-اۋقاتىن ارتتىرۋعا باعىتتالعان الەۋمەتتىك-ەكونوميكالىق جوبالاردى قارجىلاندىرۋ ءۇشىن ارنايى مەملەكەتتىك قور مەن باسقارۋشى كومپانيا قۇرۋ قاراستىرىلعان», دەدى سەناتور اندرەي لۋكين.
زاڭ جوباسىندا قازاقستاندىق قۇقىققا ازاماتتىق تاركىلەۋدىڭ جاڭا ينستيتۋتى ەنگىزىلەدى, ول قازىرگى ۋاقىتتا شەت ەلدەردە كەڭىنەن قولدانىلادى. نەگىزگى زاڭ جوباسىنان باسقا, سەناتورلار ونىڭ نورمالارىن ىسكە اسىرۋعا باعىتتالعان بىرنەشە ىلەسپە زاڭ جوبالارىن ماقۇلدادى. بارلىعى ەلىمىزدىڭ 11 كودەكسى مەن 15 زاڭىنا تۇزەتۋلەر ەنگىزىلدى.