بۇگىن بريۋسسەلدە ەۋروپالىق وداققا مۇشە ەلدەردىڭ مەملەكەت باسشىلارى نەمەسە ۇكىمەت باسشىلارىنىڭ قاتىسۋىمەن سامميت وتەدى, دەپ حابارلايدى Egemen.kz.
ەۋرووداققا مۇشە 27 ەلدىڭ باسشىلارى ەكى كۇندىك سامميتتە باس قوسادى. سامميتكە قاتىسۋشىلار ءداستۇرلى تۇردە ەۋروپارلامەنت توراعاسى روبەرتا مەتسولامەن پىكىر الماسادى. سونىمەن قاتار ءسامميتتىڭ ءبىرىنشى كۇنى ەۋرووداق باسشىلارى ناتو باس حاتشىسى يەنس ستولتەنبەرگپەن كەزدەسەدى.
ەۋروپالىق كەڭەستىڭ ءباسپاسوز قىزمەتىنىڭ حابارلاۋىنشا, بريۋسسەلدە ەۋرووداق باسشىلارى ۋكرايناعا ماتەريالدىق كومەك كورسەتۋ, ەۋروپالىق ەكونوميكا, قاۋىپسىزدىك جانە قورعانىس, ميگراتسيانى رەتتەۋ, قىتاي جانە باسقا دا مەملەكەتتەرمەن قارىم-قاتىناس ماسەلەلەرىنە نازار اۋدارادى.