28 ماۋسىم مەن 6 شىلدە كۇندەرى قۇربان ايت پەن استانا كۇنى تويلاناتىندىقتان, قازاقستاندا حالىققا قىزمەت كورسەتۋ ورتالىقتارى مەن مامانداندىرىلعان حقو-لار جۇمىس ىستەمەيدى, دەپ حابارلايدى Egemen.kz.
ناقتىراق ايتقاندا, 7 جانە 8 شىلدە كۇندەرى ازاماتتاردى ساعات 13:00-گە دەيىن تەك كەزەكشىلىك بەلگىلەنگەن حقو-لار مەن مامانداندىرىلعان حقو-لار قابىلدايدى.
«ازاماتتارعا ارنالعان ۇكىمەت» مەملەكەتتىك كورپوراتسياسى حابارلاعانداي, 1 شىلدە مامانداندىرىلعان جانە قاراپايىم قىزمەت كورسەتۋ ورتالىقتارى ءۇشىن جۇمىس كۇنى سانالادى. بۇل كۇنى حقو-لار ازاماتتاردى 18:00-گە دەيىن, مامانداندىرىلعان حقو-لار 20:30-عا دەيىن قابىلدايدى.
ايتا كەتسەك, قازىر ەلدەگى مامانداندىرىلعان حقو-لار شەتەلدىك كولىكتەردى تىركەۋ ماقساتىندا كۇشەيتىلگەن رەجيمگە كوشتى. 1 شىلدەگە دەيىن ولار ازاماتتاردى جۇمىس كۇندەرى 9:00-دەن 19:00-گە دەيىن (قۇجاتتاردى بەرۋ – 20:30-عا دەيىن), سەنبى 9:00-دەن 18:00-گە دەيىن (قۇجاتتاردى بەرۋ 19:30-عا دەيىن) قابىلدايدى.
بۇل رەتتە حالىققا قىزمەت كورسەتۋ ورتالىقتارى ازاماتتارعا جۇمىس كۇندەرى 9:00-دەن 18:00-گە دەيىن, كەزەكشى بولىمشەلەرى - 9:00-دەن 20:00-گە دەيىن, سەنبى كۇنى - 9:00-دەن 13:00-گە دەيىن قىزمەت كورسەتىنىن ايتا كەتۋ كەرەك. شەتەلدىك كولىكتەردى تىركەۋ اياقتالعاننان كەيىن مامانداندىرىلعان حقو-لار وسى كەستەگە ورالادى.