كولساي ورمانىنا جەدەل جەتكەن ءورت سوندىرۋشىلەر ورماننىڭ تومەنگى بولىگى بىقسىپ جانىپ جاتقانىن انىقتادى. تج مينيسترلىگى مالىمەتىنشە, ءورتتىڭ الدىن الا سەبەبى - نايزاعايدىڭ ءتۇسۋى, دەپ حابارلايدى Egemen.kz.
ءورتتى سوندىرۋگە بارلىعى تج دەپارتامەنتىنەن, «كولساي كولدەرى» مەملەكەتتىك ۇلتتىق تابيعي پاركىنەن, ورمان شاراۋشىلىعىنان, «جالاڭاش» شەكارا بولىمىنەن, جاو ءورت ءسوندىرۋ بەكەتتەرىنەن, كەگەن اۋدانىنىڭ اكىمدىگىنەن, اۋداندىق پوليتسيا بولىمىنەن, مەديتسينالىق قىزمەتتەن, ۆەتەرينارلىق بولىمنەن 128 ادام, 23 بىرلىك تەحنيكا جۇمىلدىرىلدى.
توتەنشە جاعدايلار مينيسترلىگى اقپاراتىنا سايكەس جۇمىلدىرىلعان كۇشتەر مەن قۇرالداردىڭ ارقاسىندا كولساي كولدەرىندە ورىن العان ءورت 0,08 گا الاڭدا ساعات 07.53-تە وقشاۋلانىپ, ساعات 11.45-تە جەدەل تۇردە ءسوندىرىلدى.
وقيعا ورنىندا قاراۋىلداۋ ءۇشىن ورمان شارۋاشىلىعىنىڭ 11 قىزمەتكەرى قالدى.
ءورتتى ءسوندىرۋ جۇمىستارى اسپالى ورمان بۇرىككىشتەرىنىڭ كومەگىمەن جۇرگىزىلدى. سونىمەن قاتار ءورتتىڭ جيەگى توپىراقپەن جابىلدى.