ەلوردانىڭ 25 جىلدىعىنا وراي استانا قالاسىنىڭ جاستار ساياساتى ماسەلەلەرى باسقارماسى جاس اقىندار مەن جازۋشىلاردى قولداۋ ماقساتىندا «ۇزدىك جاس قالامگەر» بايقاۋىن جاريالادى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
بايقاۋدىڭ ماقساتى – جاس اقىندار مەن جازۋشىلارعا شىعارماشىلىق دامۋى ءۇشىن جاعداي جاساۋ جانە جاستاردىڭ وڭ باستامالارىنا قولداۋ كورسەتۋ, تۋعان ەلگە دەگەن ىقىلاس پەن ماحابباتتى ارتتىرۋ, قازاق حالقىنىڭ داستۇرلەرىن جان-جاقتى زەردەلەۋ ارقىلى جاستاردىڭ اقىندىق شەبەرلىگىن شىڭداۋ, ۇلتتىق مادەنيەت ارقىلى وتانسۇيگىشتىك سەزىمدى دامىتۋ, قازاق ءتىلىنىڭ ءرولىن كوتەرۋ, دارىندى جاس اقىندار مەن جازۋشىلاردى انىقتاۋ جانە ولارعا شەبەرلىگىن شىڭداۋعا مۇمكىندىك بەرۋ.
بايقاۋعا قاتىسۋ ءۇشىن مىناداي قۇجاتتار ۇسىنىلادى:
* كونكۋرسقا قاتىسۋ تۋرالى ءوتىنىم;* جاس اقىندار مەن جازۋشىلاردىڭ شىعارمالارى:
بايقاۋعا 14-35 جاس ارالىعىنداعى ەلوردالىق جاس اقىندار مەن جازۋشىلار قاتىسا الادى.
بايقاۋ اياسىندا ۇزدىك شىعارمالار جيناۋ كوزدەلگەن.
ءار جۇلدەلى 25 قاتىسۋشىعا – 500 000 تەنگە قارجىلاي سىيلىق قاراستىرىلعان.
ۇزدىك جاس قالامگەرلەر بايقاۋىنا جاس اقىندار مەن جازۋشىلار ءوز شاعارماشىلىق تۋىندىلارىن 2023 جىلدىڭ 5 شىلدەسىنە دەيىن ujq_2023@mail.ru ەلەكتروندى پوشتاسىنا جىبەرۋ قاجەت.
جوبا سوڭىندا قورىتىندى ماراپاتتاۋ ءراسىمى وتەدى.
كونكۋرس جونىندە تولىق اقپاراتتى 8-701-830-65-30 («استانا قالاسىنىڭ جاستار ساياساتى ماسەلەلەرى باسقارماسى» مم) تەلەفون ءنومىرى ارقىلى الۋعا بولادى. مەكەنجايى: استانا قالاسى, سارىارقا داڭعىلى, 13.