ۇلت ۇياسى – ۇلىتاۋدىڭ ۇلىلىعىن ۇلىقتاعان اندەر از ەمەس. بىراق سولاردىڭ اراسىندا اقىن سايلاۋحان ناكەنوۆ پەن كومپوزيتور جاقسىكەلدى سەيىلوۆتىڭ شىعارماشىلىق بىرلىگىنەن دۇنيەگە كەلگەن « ۇلىتاۋ» ءانىنىڭ شوقتىعى بيىك.
«شىركىن, مەنىڭ قانداي دالام,
جانارىمدى الماي قالام.
سۇلۋلىقپەن سىرلاسسام دا,
سۋسىنىڭا قانباي قالام»
– دەپ كەلەتىن بۇل ءان كوپشىلىكتىڭ كوڭىل تورىنەن ورىن العالى قىرىق جىلعا جۋىقتاپ قالدى. ءبىر قىزىعى, ءان العاشىندا « ۇلىتاۋ» دەپ اتالماعان, ۇلىتاۋعا دا ارنالماعان.
قازاقتىڭ بەلىگىلى كومپوزيتورى نۇرعيسا تىلەنديەۆ جەزقازعانعا كەلگەن ءبىر ساپارىندا جەرگىلىكتى ازاماتتار ول كىسىدەن ۇلت ۇياسى – ۇلىتاۋعا ارناپ ءان شىعارۋىن وتىنەدى. نۇر-اعا ازاماتتاردىڭ مۇنداي ءوتىنىشىن جىلى قابىلدايدى. ء«ساتىن سالسا, كەلەسى كەلگەندە ءبىر ءان الا كەلەرمىن» دەگەن ۋادەسىن بەرەدى.
اراعا ءۇش-ءتورت جىل سالىپ نۇرعيسا اعانىڭ جەزقازعانعا تاعى دا جولى تۇسەدى. داستارقان باسىنداعى اڭگىمە-دۇكەننىڭ ءبىر مەزەتىندە ازاماتتاردىڭ ءبىرى ول كىسىدەن ۇلىتاۋعا ارنالعان ءان تۋرالى سۇرايدى.
«جىگىتتەر, مەن ۋادەمدە تۇرا المادىم. شىنىمدى ايتسام, قولىمنان كەلمەدى. ۇلىتاۋعا ارنالعان ءان مەنىڭشە, ايتۋعا جەڭىل, جۇرەككە جاقىن بولۋى كەرەك. ۇلتىمىزدىڭ سان عاسىر بويى ۇياسىنا اينالىپ كەلە جاتقان كيەلى جەردىڭ بۇكىل قادىر-قاسيەتى, ۇلىلىعى اننەن انىق كورىنىپ تۇرسا, كانى! مەنىڭ سوعان قۇدىرەتىم جەتپەدى. بالكىم, جاستار ءوسىپ كەلە جاتىر عوي, سولاردىڭ ءبىرى مەنىڭ ويىمداعىداي ءاندى ومىرگە اكەلەتىن بولار. سوعان ۇمىتتەنەمىن», دەگەن ەكەن نۇر-اعا.
جەزقازعان ءوڭىرىنىڭ مادەنيەتى مەن ونەرىنە ءبىر كىسىدەي ەڭبەگى سىڭگەن, كەزىندە قازىرگى ۇلىتاۋ وبلىستىق ت.قالماعانبەتوۆ اتىنداعى فيلارمونياعا كوپتەگەن جىلدار بويى باسشىلىق جاساعان مارقۇم باقبەرگەن داركەمباەۆ ەسىمدى اعامىز بولدى. سول كىسى وسى « ۇلىتاۋ» ءانىنىڭ دۇنيەگە قالاي كەلگەنىن جاقسى بىلەتىن ەدى.
سول كەزدە نۇرعيسا تىلەنديەۆ ءوزىنىڭ جەزقازعاندىق جىگىتتەرگە بەرگەن ۋادەسىن ورىنداي الماعانىنا قىسىلىپ جۇرگەن ەدى.
«حالىققا كەڭ تانىلعان جاقسىكەلدى سەيىلوۆ تە فيلارمونيادا ءانشى بولاتىن. جاقاڭ ماعان «تۋعان جەر» دەگەن ءان جازىپ ەدىم, نۇر-اعا تىڭداپ, باعاسىن بەرمەس پە ەكەن؟» دەگەن قولقاسىن ايتتى. بۇل ءوتىنىشتى ەستىگەندە نۇرعيسا اعامىز «قۇداي-اۋ, نەگە قىسىلىپ ءجۇر؟ كەلسىن, ءانىن تىڭداپ كورەيىك» دەدى. سودان ءبىر ۇيدە قوناقتا وتىرعاندا جاقسىكەلدى كەلىپ, ءانىن ورىنداپ بەردى. ءاندى تىڭداعان نۇرعيسا اعامىز: – ەي, جىگىتتەر, سەندەر ۇلىتاۋ تۋرالى ءان ىزدەپ جۇرسىڭدەر. مىنا اننەن ارتىق ۇلىتاۋعا قانداي ءان كەرەك؟ مەنىڭ ويىمداعى ءان ناق وسىنداي بولۋى كەرەك ەدى. مەن سونى تىڭداپ وتىرمىن, – دەپ قۋانىپ كەتتى. ول كىسى ء«ان ماتىنىنە ازداعان وزگەرىس ەنگىزۋ كەرەك» دەگەن كەڭەس بەردى. سودان سوڭ ءان ءماتىنىن سايلاۋحان اقىن ون التى رەت قايتا جازىپ شىقتى» دەيتىن ەدى باكەڭ. ءسويتىپ, «تۋعان جەر» اتاۋىمەن ومىرگە كەلگەن ءان « ۇلىتاۋ» اتاۋىن يەلەنەدى.
ايتا كەتەيىك, ماتەريال «Egemen Qazaqstan» گازەتىنىڭ № 117 (30596) ءنومىرى «نۇر-اعا باتاسىن بەرگەن» تانىمدىق اقپاراتىنان الىندى.