بۇگىن استانادا قر پرەزيدەنتى جانىنداعى ۇلتتىق عىلىم اكادەمياسى قر جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ رەكتورلار كەڭەسى اراسىندا, سونداي-اق ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىمەن ىنتىماقتاستىق تۋرالى ەكى كەلىسىمگە قول قويدى. تاراپتار قولعا الىنعان ىرگەلى جانە قولدانبالى زەرتتەۋلەردىڭ ساپاسىن, عالىمداردىڭ وتاندىق ەكونوميكانى جاڭعىرتۋعا جانە قازاقستاندىقتاردىڭ ءال-اۋقاتىنىڭ ارتتىرۋعا قوساتىن ۇلەسىن ارتتىرۋ ماقساتىندا ۋنيۆەرسيتەت پەن اكادەميالىق عىلىمنىڭ الەۋەتىن بىرىكتىرمەك.
ىنتىماقتاستىق تۋرالى قۇجاتتارعا قر جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ رەكتورلار كەڭەسىنىڭ توراعاسى, ەۇۋ رەكتورى ەرلان سىدىقوۆ جانە قر ۇعا پرەزيدەنتى كۇنسۇلۋ زاكاريا قول قويدى.
كەلىسىمدەر شەڭبەرىندە بىرلەسكەن كۇش-جىگەر قازاقستاندا عىلىمدى دامىتۋعا جاردەمدەسۋگە, ىرگەلى جانە قولدانبالى زەرتتەۋلەردىڭ ساپاسىن ارتتىرۋعا, ولاردىڭ ناتيجەلەرىن ەكونوميكاعا تابىستى ەنگىزۋگە باعىتتالادى. ىنتىماقتاستىق جوعارى وقۋ ورىندارىنىڭ يننوۆاتسيالىق قىزمەتىن دامىتۋدى, وتاندىق عالىمداردى كاسىبي تۇرعىدا بىرىكتىرۋگە جانە ولاردىڭ عىلىمي جەتىستىكتەرىن تانىمال ەتۋدى, حالىقارالىق ىنتىماقتاستىقتى كەڭەيتۋدى كوزدەيدى.
ء«بىز بىرلەسە جاس عالىمداردى قولداۋعا, ولاردىڭ كاسىبي تۇرعىدا وسۋىنە جانە شىعارماشىلىق الەۋەتىن اشۋ ءۇشىن جاعدايلار جاساۋعا ەرەكشە نازار اۋدارامىز. مۇنداي تاپسىرمانى مەملەكەت باسشىسى عىلىم جانە تەحنولوگيالار جونىندەگى ۇلتتىق كەڭەستىڭ ءبىرىنشى وتىرىسىندا بەرگەنى ءمالىم. مەن كەلىسىمدە بەلگىلەنگەن باعىتتار بويىنشا ءىس-شارالاردىڭ ناقتى جوسپارىن جاساۋدى ۇسىنامىن. جاقىندا مەملەكەت باسشىسى قاسىم-جومارت توقاەۆ ۇلتتىق قۇرىلتايدىڭ وتىرىسىندا نازار اۋدارعان قۇندىلىقتاردى قالىپتاستىرۋعا عىلىمي قاۋىمداستىقتىڭ قاتىسۋى اسا ماڭىزدى دەپ سانايمىن. ءادىل قازاقستاندى تەك ادال ازاماتتار قۇرا الادى. ادال ازامات - بۇل ادال عالىمدار, ادال تالىمگەرلەر, ادال جاستار», دەدى قر جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ رەكتورلار كەڭەسىنىڭ توراعاسى, ەۇۋ رەكتورى ەرلان سىدىقوۆ.
تاراپتار جاراتىلىستانۋ عىلىمدارى, ينجەنەرلىك-تەحنولوگيالىق, الەۋمەتتىك-گۋمانيتارلىق باعىتتاعى عىلىمي ورتالىقتار مەن ينستيتۋتتاردى جانە عىلىمي قامتىمدى وندىرىستەردى قۇرۋدى, عىلىمي كادرلاردى دايارلاۋدى, عىلىمي زەرتتەۋلەر جۇرگىزۋدى, نورماتيۆتىك-قۇقىقتىق اكتىلەردىڭ جوبالارىن ازىرلەۋدى, عىلىمي-زەرتتەۋ جۇمىستارىن جۇرگىزۋدى, اقپاراتتىق جۇيەلەردى قۇرۋ مەن دامىتۋدى, عالىمداردىڭ الەمنىڭ جەتەكشى عىلىمي ورتالىقتارىندا عىلىمي تاعىلىمدامادان ءوتۋىن ۇيىمداستىرۋدى جوسپارلاپ وتىر.
«ەۋرازيا ۇلتتىق ۋنيۆەرسيتەتى - ۇلتتىق عىلىم اكادەمياسى ىنتىماقتاستىق تۋرالى مەموراندۋمعا قول قويعان ءبىرىنشى جوو. مەملەكەت باسشىسى عىلىمعا, ونىڭ ىشىندە ۋنيۆەرسيتەتتىك عىلىمعا ۇلكەن كوڭىل بولەدى. قر پرەزيدەنتى جانىندا عىلىم جانە تەحنولوگيالار بويىنشا ۇلتتىق كەڭەس قۇرىلدى, ۇلتتىق عىلىم اكادەمياسىنا جوعارى مارتەبە بەرىلدى, بۇگىندە عىلىم تۋرالى جاڭا زاڭ جوباسى ازىرلەنۋدە. وعان ەۇۋ عالىمدارى دا بەلسەندى تۇردە اتسالىسىپ جاتىر. 2024 جىلى اكادەميانىڭ 4 وڭىرلىك فيليالى استانە, اقتوبە, وسكەمەن جانە شىمكەنت قالالارىندا اشىلادى. سىزدەر بۇل فيليالدارمەن دە بەلسەندى جۇمىستى جالعاستىراتىندارىڭىزعا سەنەمىن. ۋنيۆەرسيتەتتىڭ, اسىرەسە جاس عالىمداردىڭ الەۋەتى عىلىمي جوبالاردى ساراپتاۋعا باعىتتالادى», دەدى قر ۇعا پرەزيدەنتى كۇنسۇلۋ زاكاريا.
اتاپ وتكەن ءجون, وتكەن جىلى ەۇۋ زەرتتەۋ ۋنيۆەرسيتەتى مارتەبەسىنە يە بولدى. بۇگىندە جوو عالىمدارى ءتۇرلى سالادا 200-دەن استام عىلىمي جوبانى جۇزەگە اسىرۋدا. 2022 جىلى عىلىمنان جانە كوممەرتسيالاندىرۋدان تۇسكەن تابىس 2021 جىلمەن سالىستىرعاندا ەداۋىر ارتتى. بۇگىندە ەۇۋ ناقتى سەكتوردىڭ ءىرى كومپانيالارىمەن بايلانىستى نىعايتۋعا جانە ىنتىماقتاستىقتى كەڭەيتۋگە, عىلىمي الەۋەتتى ارتتىرۋعا باسا نازار اۋدارىپ كەلەدى. وتكەن جىلدان بەرى ۋنيۆەرسيتەت ءوز قارجىسى ەسەبىنەن كوممەرتسيالاندىرۋ يدەيالارىن قولداۋ ءۇشىن «JANA ASU» گرانتتارىن تاعايىندايدى.