سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ دەپۋتاتتارى كەڭەيتىلگەن وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سۇيىتىلعان گاز اينالىمىن رەتتەۋ جانە تۇرعىن ءۇي-كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى تالقىلادى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
قۇجاتتىڭ نەگىزگى ماقساتى − سۇيىتىلعان مۇناي گازىنىڭ اينالىمىن رەتتەۋ جونىندەگى قولدانىستاعى زاڭنامانى جەتىلدىرۋ. ماسەلەن, زاڭدا جەتكىزۋ جوسپارى اياسىندا سۇيىتىلعان مۇناي گازىن بولشەك ساۋدادا وتكىزۋدىڭ شەكتى باعاسىن مەملەكەتتىك رەتتەۋدى بەلگىلەۋ كوزدەلىپ وتىر.
قۇجاتتا سونىمەن قاتار تۇرعىن ءۇي-كوممۋنالدىق شارۋاشىلىق سالاسىن جەتىلدىرۋ, ءۇي-جايلاردىڭ مەنشىك يەلەرى كووپەراتيۆتەرىنىڭ قىزمەتىن ساقتاۋ, سونداي-اق جەلىلەرگە قوسىلۋعا تەحنيكالىق شارتتاردى قولدانۋ مەرزىمىن ۇلعايتۋ مەن مەرزىمىنە شەكتەۋ قويۋ بولىگىنە نورمالار بار.
كوميتەت مۇشەلەرى تالقىلاۋ قورىتىندىسى بويىنشا زاڭدى پالاتا وتىرىسىنا قاراۋعا جىبەرۋ تۋرالى شەشىم قابىلدادى.