ورمان شاۋراشىلىعى سالاسى بويىنشا سەرىكتەس AFoCO ازيا ۇيىمى اباي وبلىسىندا ورتەنگەن ورماندى قالپىنا كەلتىرۋگە جانە ءورتتىڭ الدىن الۋعا كومەكتەسەدى, دەپ حابارلايدى Egemen.kz.
سەۋلدە ءماجىلىس دەپۋتاتى ەدىل جاڭبىرشين وسى ۇيىمنىڭ ۆيتسە-پرەزيدەنتىمەن كەزدەستى. ەكولوگيا جانە تابيعاتتى پايدالانۋ كوميتەتىنىڭ توراعاسى ازيا-تىنىق مۇحيتى ايماعى ەلدەرىنىڭ قورشاعان ورتا جانە دامۋى جونىندەگى پارلامەنتتىك كونفەرەنتسياسىنا قاتىسۋ ءۇشىن كورەياعا بارعانى بەلگىلى بولدى.
«سوڭعى 50-60 جىلدىڭ ىشىندە وڭتۇستىك كورەيا ورماندى قالپىنا كەلتىرۋ ءۇشىن 11 ملرد اعاش وتىرعىزعان جانە 2,5 ملن جەردى قايتا قالپىنا كەلتىرگەن. وسى ورايدا ءبىز كورەيا ماماندارىنان ءبىزدىڭ ەلگە كەلىپ, تاجىربيەسىن ءبولىسۋدى سۇرادىق. سونداي-اق ولاردىڭ تەحنولوگياسىن ءبىزدىڭ ماماندارعا قالاي مەڭگەرتىپ, وقىتۋ كەرەگى جايلى تالقىلادىق», دەدى ەدىل جاڭبىرشين.