دەپوزيت كولەمى ءوسىپ كەلەدى

اي سايىنعى ءوسىم بو­يىنشا سەك­­تورداعى ەڭ ءىرى ون بانك­تىڭ ىشىن­دە «ەۋرازيالىق بانك» كوش­­باسشى: كورسەتكىش بىر­دەن 9 پايىزعا ۇلعايىپ, 1,8 ترلن تەڭگەگە جەتتى. ءبىر جىل ىشىندە بانك ءوزىنىڭ دەپوزيتتىك پورتفەلىن 72,5 پايىزعا كو­بەيت­تى, بۇل ەكىنشى دەڭگەيلى بانك­تەر اراسىنداعى ەڭ كۇشتى كور­سەت­كىش­تەردىڭ ءبىرى.

«ايتا كەتۋ كەرەك, «ەۋرا­زيا­­لىق بانك» جەكە سەكتوردا دا, كورپوراتيۆتىك سەگمەنتتە دە دە­­پو­­زيتتەرىن ارتتىردى. جەكە تۇل­عالاردىڭ دەپوزيتتەرى ءبىر ايدا 12,9 پايىزعا, (ەدب ۇزدىك وندىعىنداعى ۇزدىك ناتيجە) 911,2 ملرد تەڭگەگە دەيىن ءوستى. ءبىر جىلدا كورسەتكىش 88,6 پايىزعا ءوستى. بيزنەس دەپوزيتتەرى ءبىر ايدا 5,4 پايىزعا, ء(بىر جىلدا 59,3%) 933 ملرد تەڭگەگە دەيىن كوبەيدى. وسىلايشا, كاسىپكەرلەر دە, تۇرعىندار دا جيناقتارىن بانككە سەنىپ تاپسىرۋعا دا­يىن. سونىمەن قاتار بانكتىڭ تۇراق­تى­لىعى تەك قازاقستاندا عانا ەمەس, Forbes.ru ساراپشىلارى تا­راپىنان دا ايتىلدى. «ەۋرا­زيالىق بانك» 2023 جىلى كور­شىلەس ەلدەردەگى ەڭ سەنىمدى 50 بانك­تىڭ قاتارىنا ەندى», دەپ دەرەك كەلتىرەدى Ranking.

دەپوزيتتەردىڭ اي سايىنعى ءوسىمى بويىنشا ەكىنشى ورىندا – Bereke Bank (بۇرىنعى «سبەربانك قازاقستان»): 6,9 پا­يىز­عا كوبەيىپ, 1 ترلن تەڭگەگە جەتتى. جەكە تۇلعالاردىڭ قارجى ينس­تيتۋتىنداعى دەپوزيتتەرى ناۋ­رىزدا­ 6,3 پايىزعا, 235,9 ملرد تەڭ­گەگە دەيىن, زاڭدى تۇلعالاردىڭ دە­پو­زيتتەرى 7,1 پايىزعا, 782,4 ملرد تەڭگەگە دەيىن ءوسىپتى.

سانكتسيالىق قىسىمنان شىق­قان بانك بارلىق سەگمەنتتەگى پو­زي­تسياسىن بەلسەندى تۇردە قال­پى­نا كەلتىرىپ, ۆاليۋتالىق وپەراتسيالاردى ورىنداپ جاتىر. ەسكە سالايىق, بيىل ناۋرىز ايىندا اقش Bereke Bank-ءتى سانكتسيالىق تىزىمنەن شىعارعان بولاتىن. سانكتسيالاردى الىپ تاستاۋعا اكتسيونەردىڭ جانە بانك اتاۋىنىڭ وزگەرۋى ىقپال ەتتى.

ءۇشىنشى ورىندا – Kaspi bank: 6,4 پايىزعا كوبەيىپ, 4,4 ترلن تەڭگەگە جەتتى (جىلدىق ءوسىم – 55,1 پايىز). بۇل بانك نەگىزىنەن بولشەك نارىقتاعى بانك, حالىقتىڭ دەپوزيتتەرى قار­جى ينستيتۋتىنىڭ دەپوزيتتىك پورت­فەلىنىڭ بىردەن 87 پايىزىن ەن­شىلەيدى. جەكە تۇلعالاردىڭ دەپوزيتى ءبىر ايدا 3,8 پايىزعا ءوسىپ, 3,8 ترلن تەڭگەگە جەتتى. جەكە تۇلعالاردىڭ دەپوزيتتىك پورت­فەلىنىڭ جىلدىق ءوسىمى 53,5 پا­يىزعا جەتكەن.

«جالپى, سەكتور بويىنشا اي سايىنعى ديناميكا بويىنشا دەپوزيتتەر كولەمىنىڭ ءوسىمىن 21 ەكىنشى دەڭگەيلى بانكتىڭ 16-سى, ال العاشقى وندىقتاعى 9 بانك كورسەتتى. جەكە تۇلعالاردىڭ بانك سەكتورىنداعى دەپوزيتتەرى ءبىر ايدا 2,6 پايىزعا ءوسىپ, 17,2 ترلن تەڭگەنى قۇرادى, ال زاڭدى تۇل­عا­لار­دىڭ دەپوزيتتەرى, كەرى­سىنشە, 3,3 پايىزعا ازايىپ, 14,2 ترلن تەڭگە بولدى», دەيدى ساراپشىلار.

ەدب جيىنتىق دەپوزيتتىك پورتفەلىندەگى جەكە تۇلعالاردىڭ دەپوزيتتەرىنىڭ ۇلەسى ءبىر جىل بۇرىنعى – 51 پايىز, بەس جىل بۇرىنعى – 49,2 پايىز جانە ون جىل بۇرىنعى 37,8 پايىزبەن سالىستىرعاندا رەكوردتىق 54,7 پايىز مەجەسىنە جەتتى.