28 مامىردا جەرگىلىكتى ۋاقىت بويىنشا ساعات 8:00-دە (استانا ۋاقىتى بويىنشا 11:00) تۇركيادا پرەزيدەنت سايلاۋىنىڭ ەكىنشى كەزەڭى باستالدى, دەپ حابارلايدى Egemen.kz.
60 ميلليون 721 مىڭ 745 سايلاۋشىعا 191 مىڭنان استام جاشىك ورناتىلدى. جالپىۇلتتىق داۋىس بەرۋ جەرگىلىكتى ۋاقىت بويىنشا ساعات 08:00-دە باستالىپ, 17:00-دە اياقتالادى.
سايلاۋشىلار حالىق وداعى پرەزيدەنتتىگىنە ۇمىتكەر رەجەپ تايىپ ەردوعان مەن ۇلتتار اليانسىنىڭ كانديداتى كەمال كىلىچداروگلۋ اراسىندا تاڭداۋ جاسايدى.14 مامىردا پرەزيدەنت سايلاۋىنىڭ ءبىرىنشى كەزەڭى ءوتتى. ول كەزدە داۋىس ساناۋ ناتيجەسى بويىنشا بىردە-ءبىر كانديدات 50% داۋىس جيناي المادى. قازىرگى پرەزيدەنت رەجەپ تايىپ ەردوعان 49,5% داۋىس جينادى, ونىڭ سايلاۋداعى باستى باسەكەلەسى كەمال كىلىچداروگلۋ 45%-دان از داۋىس جيناعان ەدى.