باتىس قازاقستان وبلىسىندا جۇزدەگەن كيىكتىڭ قىرىلۋ سەبەبى بەلگىلى بولدى, دەپ حابارلايدى Egemen.kz tengrinews.kz سايتىنا سىلتەم جاساپ.
19 مامىردا جانىبەك اۋدانى كۇيگەنعۇل اۋدانى, اششىوزەك وزەنىنىڭ جاعاسىنان 150-گە جۋىق ءولى كيىك تابىلعان. «وحوتزووپروم» مكقك مالىمەتىنشە, جانۋارلاردىڭ جاپپاي قىرىلۋى تابيعي سەبەپتەرگە بايلانىستى.
«جاس تولدەرى (وسى جىلدىڭ تولدەرى) مەن انالىقتارى قىرىلدى. بوسانعاننان كەيىن انالىقتاردىڭ يممۋنيتەتى السىرەگەن. ەشقانداي ۋلانۋ نەمەسە قىلمىس بولعان جوق. توپىراق پەن وسىمدىكتەردىڭ سىنامالارى الىندى, ولگەن كيىكتەرگە ساراپتاما جۇرگىزىلدى. بۇل كوكتەمدە جانە قىستا بولاتىن تابيعي ءولىم», دەلىنگەن حابارلامادا.
قازىر باتىس قازاقستان وبلىسىندا كيىكتەردىڭ سانى ەسەپتەلىپ جاتىر. الدىن الا مالىمەت بويىنشا, بۇل وڭىردە ولاردىڭ سانى ميلليونعا جۋىقتاعان.