اقش-تا 24 جاسىندا لوس-اندجەلەستە كەنەتتەن قايتىس بولعان قازاقستاندىق ۆەلوشاباندوز دىنمۇحامەد ۇلىسباەۆتىڭ دەنەسىن ەلگە اكەلۋ ءۇشىن اقشا جينالىپ جاتىر, دەپ حابارلايدى Egemen.kz.
«دىنمۇحامەدتى قازاقستانعا جەتكىزىپ, جەرلەۋ ءۇشىن 15 مىڭ دوللار قاجەت», دەلىنگەن gofund.me سايتىنداعى جازبادا.
ايتا كەتەيىك, 17 مامىردا قازاقستاننىڭ ۆەلوسپورت فەدەراتسياسى ۇلىسباەۆتىڭ قايتىس بولعانىن حابارلاعان ەدى. ۆەدومستۆو مالىمەتىنشە, سپورتشىنىڭ جۇرەگى توقتاپ قالعان.
ەستەرىڭىزگە سالا كەتەيىك سپورتشى ءومىرىنىڭ سوڭعى كۇندەرىن جۇمىسقا شاقىرتۋ العاندىقتان شەتەلدە وتكىزگەن, امەريكالىق ۆەلوكوماندالاردىڭ بىرىندە باق سىناماق بولعان.
دىنمۇحاممەد ۇلىسباەۆ مانسابىندا ۆەلوسپورتتان 2016 جىلعى ازيا چەمپيوناتىندا جەڭىسكە جەتىپ, الەم كۋبوگى كەزەڭدەرىنىڭ جەڭىمپازى اتاندى, سونداي-اق قازاقستان چەمپيوناتىندا بىرنەشە رەت جۇلدەگە يە بولعان.