بۇگىن الماتىداعى فيزيكا-ماتەماتيكا باعىتىنداعى NIS وقۋشىسى ساعىن جۇمادىلداەۆ اقش-تىڭ داللاس قالاسىندا وتكەن الەمدەگى ەڭ بەدەلدى عىلىمي جوبالار بايقاۋىنىڭ ءبىرى – International Science and Engineering Fair-دان جۇلدەلى II ورىنمەن ورالدى, دەپ حابارلايدى Egemen.kz.
ول «ماتەماتيكا» سەكتسياسى بويىنشا «L-ترومينو-پليتكالارى» جوباسىن ۇسىندى, سونداي-اق 1000$ كولەمىندە سىياقى ەنشىلەدى.
– ءبىر جىل بۇرىن وليمپيادادا L-ترومينو فيگۋراسىنىڭ كومەگىمەن پليتكالاردى جاناستىرۋ بويىنشا تاپسىرما ورىندادىم. وسى تاقىرىپقا قىزىعۋشىلىق تۋىنداپ, ونى جوبا رەتىندە جاساۋدى قولعا الدىم. ءالى دالەلدەنبەگەن تەورەمالار بار, سونى شەشۋ ارقىلى كەلەسى جىلى دا ISEF-كە قاتىسۋ جوسپاردا تۇر, – دەيدى جاس ماتەماتيك.
سونىمەن قاتار بايقاۋعا كوكشەتاۋداعى زياتكەرلىك مەكتەپتىڭ وقۋشىسى اسىلحان قالي دە قاتىسىپ, «Aq Zhol» جوباسىن تانىستىردى. بۇل –جۇرگىزۋشىنىڭ ءحالى مەن مىنەز-قۇلقىن باقىلاۋعا مۇمكىندىك بەرەتىن بەينەتىركەگىش جانە جول-كولىك وقيعالارىنىنىڭ سانىن ازايتۋعا باعىتتالعان.
– قازاقستاننىڭ تۋىن الەمدىك ارەنادا كوتەرىپ, ەلىمىزدىڭ اتىنان ونەر كورسەتۋ – ءبىز ءۇشىن ۇلكەن مارتەبە. بولاشاقتا ودان دا جاقسى ناتيجەگە جەتۋ ءۇشىن بار كۇش-جىگەرىمىزدى سالامىز, – دەپ اسىلحان ءوز اسەرىمەن ءبولىستى.
NIS ۇجىمى, اتا-انالارى مەن دوستارى ساعىن مەن اسىلحاندى ەلوردانىڭ اۋەجايىندا قارسى الدى.
International Science and Engineering Fair – 13 پەن 18 جاس ارالىعىنداعى جاسوسپىرىمدەرگە ارنالعان STEM جوبالاردىڭ دۇنيەجۇزىلىك بايقاۋى. حالىقارالىق شارا جىل سايىن وتەدى جانە الەمنىڭ 100 ەلىنەن كەلگەن 2000 وقۋشىنىڭ اراسىنان ۇزدىكتەردى انىقتايدى.