ەلوردا كۇنىنە وراي اۆتورلار اراسىندا ۇزدىك جاريالانىمدار, رەپورتاجدار, باق جانە الەۋمەتتىك جەلىلەردەگى استانانىڭ دامۋى تۋرالى سيۋجەتتەر بايقاۋى باستالادى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
بايقاۋعا قاتىسۋعا بارلىق قازاقستاندىق جۋرناليستەر شاقىرىلادى. بايقاۋدى استانا قالاسىنىڭ ىشكى ساياسات باسقارماسىنىڭ قولداۋىمەن قالالىق كوممۋنيكاتسيالار قىزمەتى ۇيىمداستىرادى.استانا تۋرالى 2022 جىلدىڭ 1 ماۋسىمىنان 2023 جىلدىڭ 16 ماۋسىمىنا دەيىنگى كەزەڭدە جاريالانعان/ەفيرگە شىققان مەملەكەتتىك تىلدەگى جانە ورىس تىلىندەگى ماتەريالدار قابىلدانادى. ءبىر قاتىسۋشى كونكۋرسقا 1 ماتەريالدان ارتىق ەمەس جانە تەك ءبىر نوميناتسيا بويىنشا ۇسىنا الادى.بايقاۋ كەلەسى نوميناتسيالار بويىنشا وتكىزىلەدى:1) «ۇزدىك جۋرناليست-ساراپشى» – ەلوردا تۋرالى باسپا باسىلىمدارىندا جارىق كورگەن ساراپتامالىق ماتەريالدار;2) «ۇزدىك شولۋشى» – استانا قالاسىنىڭ الەۋمەتتىك-ەكونوميكالىق دامۋى تۋرالى ينتەرنەت-باسىلىمدارداعى ماتەريالدار;3) «ۇزدىك راديورەپورتاج» – استاناعا ارنالعان راديوسيۋجەتتەر;4) «ۇزدىك تەلەسيۋجەت» – قالا ءومىرى تۋرالى تەلەسيۋجەتتەر;5) «ۇزدىك موبيلوگراف» – مەگاپوليس ءومىرى تۋرالى بەينەروليكتەر;6) «ۇزدىك فوتورەپورتاج» – استانا تۋرالى فوتوسۋرەتتەر;7) «الەۋمەتتىك جەلىدەگى استانانىڭ 25 جىلدىعى تۋرالى ۇزدىك ماتەريال» ارنايى نوميناتسياسى – الەۋمەتتىك جەلىدەگى ۇزدىك ماتەريالداردى انىقتاۋعا باعىتتالعان. الەۋمەتتىك جەلىلەردەگى (Facebook, Instagram جانە TikTok) تانىمال توپتار مەن پابليكتەر قاتىسۋعا ءوتىنىش بەرە الادى.نوميناتسيالار بويىنشا جەڭىمپازداردى بەلگىلى جۋرناليستەردەن, مەديا-ساراپشىلاردان جانە ەلورداداعى وسى سالانىڭ قۇرمەتتى وكىلدەرىنەن قۇرالعان كونكۋرستىق كوميسسيا ايقىندايدى.ەڭ ۇزدىك جۇمىس اقشالاي سەرتيفيكاتتارمەن ىنتالاندىرىلادى. ءبىرىنشى ورىن ءۇشىن 1 ميلليون تەڭگە, ەكىنشى ورىن ءۇشىن – 500 مىڭ تەڭگە, ءۇشىنشى ورىن ءۇشىن – 300 مىڭ تەڭگە.وتىنىمدەر 2023 جىلدىڭ 16 ماۋسىمىنا دەيىن مىنا ەلەكتروندىق پوشتا ارقىلى قابىلدانادى: sluzhbakommunikatsiy@mail.ru.ۇيىمداستىرۋ كوميتەتىنىڭ بايلانىس تەلەفونى: 8 (702) 407-52-82.بايقاۋدىڭ ەرەجەسىن استانا قالاسىنىڭ اكىمدىگى سايتىنان كورۋگە بولادى.