ءماجىلىستىڭ جالپى وتىرىسىندا ۇقك توراعاسىنىڭ ورىنباسارى مارات قالقاباەۆ قاڭتار وقيعاسىنا قاتىسى بار 11 ادامنىڭ جاۋاپقا تارتىلىپ جاتقانىن ايتتى. ولار ۇلتتىق قاۋىپسىزدىك كوميتەتىنىڭ بۇرىنعى قىزمەتكەرلەرى, دەپ حابارلايدى Egemen.kz.
«قازىرگى كەزدە ۇلتتىق قاۋىپسىزدىك كوميتەتىندە 11 قىزمەتكەر قىلمىستىق جاۋاپكەرشىلىككە تارتىلىپ جاتىر. كەيبىر ىستەر بويىنشا تەرگەۋ اياقتالدى, كىنالىلەر قىلمىستىق جاۋاپكەرشىلىككە تارتىلدى. بۇل (قاڭتار وقيعاسى بويىنشا) قىلمىستىق قۋدالاۋعا بايلانىستى», دەدى مارات قالقاباەۆ.
سونداي-اق ول لاۋازىمدى تۇلعالاردىڭ جاۋاپكەرشىلىگى كۇشەيتىلەتىنىن ايتتى.
«سونىمەن قاتار قاڭتار وقيعاسىنان كەيىن بىردەن ۇلتتىق قاۋىپسىزدىك كوميتەتى اۋقىمدى قىزمەتتىك تەكسەرىس جۇرگىزدى. وسى ورايدا بۇيرىق تالاپتارى مەن قىزمەتتى اتقارۋ تارتىبىنە, ونىڭ ىشىندە لاۋازىمدى تۇلعالاردىڭ جاۋاپكەرشىلىگىنە قاتىستى ەلەۋلى وزگەرىستەر ەنگىزىلدى. مۇنىمەن قوسا, بۇگىن تالقىلانىپ جاتقان زاڭ جوباسىندا ءار قىزمەتكەر ءىس-ارەكەتىنىڭ بەلگىلى ءبىر الگوريتمى مەن ءپاتريوتيزمدى تاربيەلەۋگە باعىتتالعان ءتيىستى تۇزەتۋلەر كوزدەلگەن», دەدى ۇقك وكىلى.