دەپوزيت ءوسىمىنىڭ دەڭگەيى

جالپى, قۇلدىراۋ اياسىندا كەيبىر ەكىنشى دەڭگەيلى بانكتەر وڭ ءۇردىستى ساقتاپ قالدى. اتاپ ايتقاندا, جىل باسى­نان بەرى Bereke Bank حالىق دەپوزيتتەرى پورتفەلىنىڭ ءوسىمى بويىنشا كوشباسشى بولدى: بىردەن 7,9%-عا كو­بەيىپ, 2023 جىلدىڭ 1 ناۋرىزىنا دەيىن 222 ملرد تەڭگەگە جەتتى. ءبىر ايدا قارجى ينستيتۋتى پورتفەلى 3,4%-عا ۇلعايدى. ەسكە سالايىق, بيىل كوكتەمدە بۇل وتاندىق بانك جەكە تۇلعالاردىڭ دەپو­زيتىنە قاتىستى بىرقاتار اكتسيا­نى ىسكە قوستى. مىسالى, قازىر 30 ساۋىر­­گە دەيىنگى «سەنىم» دەپوزيتى بو­يىن­­­­شا ناۋقان اياسىندا 17,7%-عا دەيىن رەكوردتىق جتسم ۇسىنىلادى.

جىل باسىنان بەرى دەپوزيتتەردىڭ ءوسىمى بويىنشا ەكىنشى ورىندا – «فريدوم فينانس قازاقستان بانكى». ونداعى سالىمدار 5,9%-عا كوبەيىپ, 327,7 ملرد تەڭگە جەتكەن. ءبىر ايدا 0,2%-دى­ ­­­قۇراعان.

جىل باسىنان بەرى تاعى 6 ەكىنشى دەڭگەيلى بانك ءوسىم كورسەتتى: ۆتب بان­كى (5,7%), Home Credit Bank (4,7%), «وتباسى بانكى» (4%), Al Hilal يسلام بانكى (3,4%), «قازاقستانداعى قىتاي بانكى» (2,8%) جانە قىتاي ساۋدا ونەر­كا­سىپ بانكى (0,1%). الايدا اقپان ايىندا بۇلاردىڭ اراسىندا 2 بانكتىڭ – Al Hilal يسلام بانكى مەن قىتاي ساۋدا ونەركاسىپ بانكىنىڭ كورسەتكىشى تو­مەن­دەگەن.

اتالعان بارلىق قارجى ينستيتۋتتا­رى­نىڭ ىشىندە Al Hilal يسلام بانكى دە, قىتايلىق ەكى بانك تە, ۆتب بانكى دە ءبىزدىڭ ەلدەگى حالىقپەن جۇمىس ىس­تەي­تىن نەگىزگى ەدب بولىپ سانالمايدى. بۇل بانكتەردىڭ ارقايسىسىنىڭ ۇلەسى بول­ش­ەك دەپوزيتتەر نارىعىنىڭ 0,1%-نان اسپايدى.

شىندىعىندا, قازاقستانداعى حا­لىق­­قا دەپوزيت ۇستاناتىن ءىرى بانك­تەر­دىڭ ىشىندە تەك Bereke Bank, «فريدوم فينانس قازاقستان بانكى», Home Credit Bank جانە «وتباسى بانكى» جىل باسىنان بەرى جانە ءبىر ايدا وڭ كورسەتكىش كورسەتتى.

جىل باسىنان بەرى 21 ەكىنشى دەڭگەيلى بانك­تىڭ 13-ءى, ال اي قورىتىندىسى بو­يىنشا 11-ءنىڭ كورسەتكىشى تومەندەدى.