استانا قالاسىنىڭ اكىمى جەڭىس قاسىمبەك Instagram پاراقشاسىندا قالا ساياباقتارىندا قانداي جۇمىستار جۇرگىزىلەتىنىن ايتتى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
«قالانىڭ ساياباقتارى مەن قوعامدىق كەڭىستىكتەرىنە رەۆيزيا جۇرگىزەمىز. سىنعان ورىندار, قۋراعان اعاشتار بار, سول سياقتى سۋارۋ جۇيەسى بارلىق جەردە دۇرىس جۇمىس ىستەمەيدى.ارىپتەستەرىممەن بىرگە بىرقاتار ساياباقتار مەن قوعامدىق كەڭىستىكتەردى, ونىڭ ىشىندە كوكتال ەلدى مەكەنىندەگى ساياباقتى, ورتالىق ساياباقتى, ۋانىشباەۆ اتىنداعى مۋزىكالىق-دراما تەاترىنىڭ ىرگەلەس اۋماعىن ارالاپ شىقتىق. سونداي-اق اقبۇلاق وزەنىن تازارتۋ بويىنشا جۇمىس جوسپارى تالقىلاندى.
قالانى كوگالداندىرۋ بويىنشا اۋقىمدى جۇمىس جۇرگىزىپ جاتىرمىز, ماسەلەن كورىكتى ورىندار مەن مادەني نىساندارعا ىرگەلەس اۋماقتاردى دا كوگالداندىرامىز. الايدا مەردىگەرلەردىڭ ءبارى بىردەي جاۋاپكەرشىلىگىن سەزىنە بەرمەيدى. ق.قۋانىشباەۆ اتىنداعى مۋزىكالىق دراما تەاترىنىڭ جانىندا قوعامدىق كەڭىستىك سالىپ جاتىرمىز. قازىر اعاش وتىرعىزۋ جۇمىسىندا كەمشىلىكتەر بار. بۇل پروبلەمانى جاقىن ارادا رەتكە كەلتىرۋدى تاپسىردىم», دەپ جازدى ەلوردا اكىمى.ونىڭ ايتۋىنشا, قولدانىستا بار ساياباقتار مەن قوعامدىق كەڭىستىكتەردىڭ جاي-كۇيىنە كوڭىل ءبولىپ قانا قويماي, جاڭا اۋلالار مەن قوعامدىق كەڭىستىكتەر (گۇلزارلار, جەلەكجولدار) سالىنادى.