«ۇماي» باعدارلاماسى بويىنشا وتىنىشتەر قابىلداۋ باستالادى

بانك مالىمەتىنشە, ادب شارتتارىنا سايكەس استانا, الماتى, اقتاۋ جانە اتىراۋ قالالارىنا زاەمنىڭ جالپى كولەمىنىڭ 40% اسپايتىن بولىگىن نەمەسە 200-گە جۋىق نەسيە ءبولۋ جوسپارلانۋدا.

نەسيەنىڭ 60% وبلىستار مەن شاعىن قالالاردىڭ تۇرعىندارىنا بەرىلمەك. بۇل وڭىرلەردەگى قازاقستاندىق ايەلدەردى قولداۋ جانە نەسيەلەۋدە ديسپروپورتسيانى بولدىرماۋ ماقساتىندا جاسالعان.

باعدارلاما بويىنشا بەرىلەتىن زاەمنىڭ ەڭ جوعارعى قۇنى - 30 ملن تەڭگەگە دەيىن. پايىزدىق مولشەرلەمە 14,4 پايىزعا (جتسم - 15,4 پايىزدان باستاپ) تەڭ, كەيىن ول 3,5 پايىزدان 5 پايىزعا دەيىن (جتسم - 3,6 پايىز باستاپ) تومەندەتىلەدى. 

«ۇماي» باعدارلاماسى بويىنشا قارىز الۋ مەرزىمى - 6 ايدان 25 جىلعا دەيىن. بۇل رەتتە تۇرعىن ءۇي تاڭداۋدا شەكتەۋ جوق, ونى العاشقى جانە ەكىنشى نارىقتان, سونىڭ ىشىندە ۇلەستىك قاتىسۋ شارتتارى بويىنشا ساتىپ الۋعا بولادى. سونداي-اق «ۇماي» بويىنشا باسپانانى جوندەۋ جۇمىستارىنا دا 3,7 ملن تەڭگەگە دەيىنگى مولشەردە قارىز الۋعا بولادى.

الەۋەتتى قارىز الۋشىنىڭ اي سايىنعى وتباسىلىق تابىسى 550 000 تەڭگەدەن اسپاسا, ول 15 پايىزدىق باستاپقى جارنامەن نەسيە الا الادى. ال وتباسىنىڭ ورتاق كىرىسى ايىنا 550 001 تەڭگەدەن 640 000 تەڭگەگە دەيىنگى ارالىقتا بولسا, وندا تۇرعىن ءۇيدى 20 پايىزدىق العاشقى جارنامەن الۋعا بولادى.

«ۇماي» باعدارلاماسى بويىنشا نەسيەنى otbasybank.kz پورتالىندا ونلاين نەمەسە بانك بولىمشەلەرىندە جانە كەڭەس بەرۋ ورتالىقتارىندا راسىمدەۋگە بولادى.