«قازترانسويل» دەرەكتەرىنە سايكەس, 2026 جىلدىڭ ءى توقسانىندا قازاقستاننىڭ گەرمانياعا مۇناي ەكسپورتى 353 مىڭ تونناعا ارتىپ, جالپى ەكسپورت كولەمى 730 مىڭ تونناعا جەتكەن, دەپ حابارلايدى Egemen.kz.
كومپانيانىڭ مالىمەتىنشە, كاسپي جاعالاۋىنداعى اقتاۋ پورتى ارقىلى باكۋ – تبيليسي – جەيحان مۇناي قۇبىرى باعىتىنا 346 مىڭ توننا مۇناي جونەلتىلگەن, بۇل وتكەن جىلدىڭ سايكەس كەزەڭىمەن سالىستىرعاندا 26 مىڭ تونناعا كوپ.
تۇرىك كومپانيالارى ەلدەگى مۇناي-گاز قورلارىن بارلاۋعا كومەكتەسپەك
ال گەرمانياعا باعىتتالعان جەتكىزىلىمدەر جانە باكۋ – تبيليسي – جەيحان مۇناي قۇبىرى باعىتى قازاقستانعا بالامالى ەكسپورت جولدارىن دامىتۋعا مۇمكىندىك بەرىپ وتىر. بۇل رەسەي پورتتارىن اينالىپ وتەتىن باعىتتاردىڭ ستراتەگيالىق ماڭىزىن ارتتىرا تۇسەدى.
سونىمەن بىرگە «اتاسۋ – الاشانكوۋ» باعىتى ارقىلى قىتايعا 2,85 ميلليون توننا مۇناي تاسىمالدانعان, ونىڭ 345 مىڭ تونناسى وتاندىق وندىرۋشىلەرگە تيەسىلى.
وڭتۇستىك كورەيا قازاقستاننان 18 ميلليون باررەل مۇناي ساتىپ الادى
ەسكە سالايىق, قازاقستاندىق مۇناي Brent جانە WTI ماركالارىمەن سالىستىرعاندا ۇستەمە باعامەن ساتىلىپ جاتىر. 16 ساۋىردەگى جاعداي بويىنشا CPC Blend مۇنايىنىڭ باعاسى 112,39 دوللاردى قۇرادى.
نۇربولات امانبەك